Portali qeveritar e-Albania organizon konkursin “1 miliard turistë, 1 miliard mundësi” - Business Magazine Albania

Portali qeveritar e-Albania organizon konkursin “1 miliard turistë, 1 miliard mundësi”


Portali qeveritar e-Albania organizon konkursin “1 miliard turistë, 1 miliard mundësi”, në kuadër të Ditës Ndërkombëtare të Turizmit dhe synon të nxisë njerëzit të flasin rreth turizmit dhe potencialit të tij.

Portali zgjodhi rrjetin social rrjetin social Facebook për të prezantuar këtë konkurs: “Fitoni udhëtime turistike në disa prej zonave më të bukura të Shqipërisë! Edhe pak ditë kanë mbetur për të aplikuar!

Dërgoni fotografitë, video-reportazhet tuaja të realizuara në zona turistike shqiptare apo esetë me temë turizmin shqiptar në konkursin e organizuar nga portali qeveritar e-albania.”

Organizimi i këtij konkursi nxitet fakti se Shqipëria është një vend me një potencial të madh turistik, ku gjenden gjithashtu dhjetëra vendndodhje të trashëgimisë kulturore. Konkursi zhvillohet në tre kategori: fotografi/pikturë, video dhe ese, të cilat kanë një temë të përbashkët: turizmin shqiptar.

Dërgimi i materialeve bëhet në e-albania. Për të dërguar aplikimin, duhet të jeni i regjistruar në portal. Çdo përdorues i portalit mund të dërgojë në total 5 aplikime për të gjitha kategoritë e konkursit.

Kriteret e aplikimit për kategorinë fotografi/pikturë:

• Fotografitë/pikturat duhet të jenë materiale autentike tuajat

• Madhësia maksimale e skedarit nuk duhet të kalojë 4 MB si dhe nuk duhet të përmbajë shkronjën “ë” ose “ç” në emërtim

• Titulli që shoqëron aplikimin nuk duhet të kalojë 100 karaktere

• Përshkrimi që shoqëron aplikimin nuk duhet të kalojë 700 karaktere

Kriteret e aplikimit për kategorinë video:

• Videoja duhet të jetë reportazh autentik i juaji

• Videoja nuk duhet të kalojë minutazhin maksimal prej 10 minutash

• Titulli që shoqëron aplikimin nuk duhet të kalojë 100 karaktere

• Përshkrimi që shoqëron aplikimin nuk duhet të kalojë 700 karaktere

Kriteret e aplikimit për kategorinë ese:

• Eseja duhet të jetë shkrim autentik i juaji

• Madhësia maksimale e skedarit nuk duhet të kalojë 4 MB si dhe nuk duhet të përmbajë shkronjën “ë” ose “ç” në emërtim

• Numri i fjalëve në ese nuk duhet të jetë më tepër se 1000

• Titulli që shoqëron aplikimin nuk duhet të kalojë 100 karaktere

• Përshkrimi që shoqëron aplikimin nuk duhet të kalojë 700 karaktere

Përcaktimi i fituesve të konkursit do të realizohet përmes një votimi online në portalin e-albania ku çdo përdorues do të ketë mundësi të votojë një numër të pakufizuar aplikimesh për çdo kategori, duke dhënë një votë në total për çdo aplikim të parapëlqyer.

Katër fitues do të përzgjidhen dhe do të përfitojnë një udhëtim çift në Shqipëri nga agjencia Kalemi Travel & Tours si dhe për 3 fitues të tjerë të konkursit të turizmit në e-albania, My Albania “Nature Explorers” do të ofrojë një paketë turistike sipas dëshirës së fituesit në një prej destinacioneve më të bukura të trevave mbarëshqiptare: Bogë, Prevallë, Dardhë, Voskopojë, Brezovicë. Për të eksploruar Shqipërinë, për të parë dhe për të marrë më të mirën nga natyra jonë e bukur.

 

Klikoni këtu për të aplikuar!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Lideri është ai që e njeh rrugën, e ndjek dhe e tregon atë.”
— John C. Maxwell
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0