Porsche krijon një verë me rastin e 70 vjetorit. Shitet vetëm në Stuttgart

Në fillim të Qershorit, fansat e Porsche festuar përvjetorin e 70 të kompanisë. Nëse mendoni se festa ka mbaruar, gaboheni.

Porsche ka krijuar së fundmi një shishe verë nën emrin e saj.

E quajtur Cuvée 356, frymëzuar nga emri i makinës së parë, Porsche kërkoi ndihmën e Tement, kantina e njohur në Styria të Austrisë.

Tement ishte një zgjedhje e përshtatshme për kompaninë për 2 arsye. E para, Porsche 356, e para Porsche ndonjëherë, është prodhuar në Gmünd, Austri. 250km nga Tement. Së dyti, ambasadori i Porsche dhe legjenda e rally Walter Röhrl është një adhurues vere, veçanërisht i sauvignon blanc për të cilën Tement është e njohur.

“Unë isha i bindur që nuk ishte çështja tek lloji i rrushit. Gjithçka varej nga rajoni i verës. Sauvignon arrin perfeksionin këtu në Styria.” – u shpreh Manfred Tement, themelues dhe menaxher i Weingut Tement.

Röhrl dhe distributori i verës Alexander Baron von Essen, vizituan Tement Dhjetorin e kaluar. Kjo për të testuar Cuvée 356. Por edhe për të ndihmuar djalin e Manfred, Armin Tement, të krijonte përzierjen e duhur. Rezultati ishte 65% pinot blanc, 18% chardonnay, 12% sauvignon blanc dhe 5% pinot gris.

“Kjo është një verë e lehtë përsa i përket përqëndrimit të alkoolit. Është e lehtë, e sofistikuar, elegante, me një shije të lehtë arre.” – shpjegoi menaxheri i restorant Christophorus, Holger Schamm.

Por, kjo verë nuk është edhe aq lehtë e aksesueshme. Porscha ka menduar që disa gjëra kaq të veçanta, duhet të jenë vështirë për t’u gjetur.

Cuvée 356 mund të blihet vetëm në restorantin Christophorus, pranë dyqanit të muzeumit të kompanisë në Stuttgart.

Gjithsesi, disa banorë që jetojnë në Gjermani, mund t’a blejnë atë për $23.

Burimi: The Drive