Pistoleta e agjentit të parë 007 del në ankand për shumën marramendëse

Poza e Sean Connery me pistoletë në dorë, mbështetur mbi gjoks, në 007-licencë për të vrarë, është bërë një ikonë e historisë së kinemasë. Tani, fansat e serisë, kanë mundësinë të kenë në dorë të famshmen Walther PP.

Më 3 dhjetor në fakt, pistoleta do të dalë në ankand në Los Angeles, me një çmim fillestar prej 150 – 200 mijë dollarëve. Sean Connery, i ndarë së fundmi nga jeta në moshën 90 vjeç, e përdori pistoletën në filmin e 1962, që inauguroi edhe sagën me shumë fat të agjentit sekret britanik. Në filmin e atëhershëm, shefat e shërbimit sekret britanik, e urdhërojnë Bondin të braktisë pistoletën e tij të vjetër Berreta, që nuk funksiononte edhe aq mirë, për ta zëvendësuar me Walther, që godet fuqishëm.

Versionet e Walther do të mbeten arma e zjarrit karakteristike e 007 për rreth 25 filma. Pistoleta e Bondit në fakt do të jetë vetëm një nga rreth 600 artikujt që do të dalin në ankandin që i dedikohet ikonave dhe idhujve të Hollivudit. Ankandi do të mbahet në Beverly Hillsh dhe online më 3 dhjetor dhe të tjerë artikuj do të jenë kaska e pilotit e mbajtur nga Tom Cruise në ‘Top Gun’ dhe një xhaketë lëkure e veshur nga Arnold Schwarzenegger në “Terminator 2”.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale