“Markat që shiten janë më të rëndësishme se sa paratë e fituara,” shkruan drejtori menaxhues i HSBC Erwan Rambourg në librin e tij të fundit, “The Bling Dynasty: Why the Reign of Chinese Luxury Shoppers Has Only Just Begun.”
Rambourg krijoi një piramidë për të treguar renditjen e markave më të mëdha duke filluar nga Starbucks e deri te diamantët luksoz të Graf.
Kjo është renditja:
Markat apo produktet luksoze të çdo lloji përfitojnë nga rritja e mirëqenies në të gjthë botën.
Tashmë, markat që janë bërë shumë të arritshme janë më pak tërheqëse për blerësit super të pasur.
Louis Vuitton konsiderohet një markë për shtresën e mesme për shumë Kinez të pasur.
“Louis Vuitton është bërë shumë i zakonshëm,” ka thënë një grua miliardere gjatë bisedës me drejtorin menaxhues të Grupit Kërkimor të Tregut Shaun Rein në vitin 2011. “Të gjithë mund ta kenë një Louis Vuitton. Ai shihet në çdo restorant të Pekinit. Unë tani preferoj Chanel apo Bottega Venta. Ato janë më luksoze.”
Gucci gjithashtu po vuan nga disa probleme me reputacionin, ndërkohë që disa emra të famshëm Europian por edhe ata më pak të njohur si Bottega Veneta po korrin sukses të vazhdueshëm.
Konsumatorët e shtresës së lartë janë “të uritur” për marka luksoze të panjohura nga shumica.
“Unë blej nga Maison Ullens në Paris – një brend Francez që prodhohet në Itali,” ka thënë Sara Jane Ho, themeluesja e shkollës Kineze së etikës për elitën Instituti Sarita. “Kur kthehem në Kinë të gjithë studentët më pyesin për firmën e rrobave që mbaj veshur. Shumë thjesht shkolla ime u bë klient i rregullt i Maison Ullens, kjo sepse ata i pëlqejnë produktet e tyre,”
Natyrisht që artikujt më të famshëm mbeten destinacioni kryesor i luksit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
