Një pikturë e artistit austriak Gustav Klimt që besohej e humbur për 100 vitet e fundit, do të dalë në ankand në Vjenë.
Ka shumë pyetje pa përgjigje në lidhje me pikturën e papërfunduar, Portreti i Fraulein Lieser, të cilën Klimt e filloi në 1917, një vit para vdekjes së tij. Ka edhe debate se kush është gruaja në foto dhe çfarë ka ndodhur me pikturën gjatë epokës naziste.
Vlera e pikturës vlerësohet deri në 50 milionë euro (53 milionë dollarë; 42 milionë paund), megjithëse mund të ketë një çmim më të lartë. Besohet se përshkruan një nga vajzat e Adolf ose Justus Lieser, të cilët ishin vëllezër nga një familje e pasur industrialistësh hebrenj.
Historianët e artit Thomas Natter dhe Alfred Weidinger thonë se piktura është e Margarethe Constance Lieser, vajzës së Adolf Lieser.
Por, shtëpia e ankandit Im Kinsky në Vjenë, e cila po nxjerr në ankand veprën e artit, sugjeron se piktura mund të përshkruaj gjithashtu një nga dy vajzat e Justus Lieser dhe gruas së tij Henriette. Henriette, e cila njihej si Lilly, mbrojtëse e artit modern. Ajo u dëbua nga nazistët dhe vdiq në kampin e përqendrimit të Aushvicit gjatë Holokaustit. Vajzat e saj, Helena dhe Annie, të dyja i mbijetuan Luftës së Dytë Botërore.
Shtëpia e ankandeve ka pohuar në një deklaratë se fati i saktë i pikturës pas vitit 1925 ishte “i paqartë”.
“Ajo që dihet është se ajo është blerë nga një paraardhës ligjor i dërguesit në vitet 1960 dhe i ka shkuar pronarit aktual përmes tre trashëgimive të njëpasnjëshme.”
Identiteti i pronarëve aktualë austriakë nuk është bërë publik. Piktura po shitet në emër të këtyre pronarëve dhe pasardhësve ligjorë të Adolf dhe Henriette Lieser, bazuar në Parimet e Uashingtonit, një marrëveshje ndërkombëtare për kthimin e artit të grabitur nga nazistët tek pasardhësit e njerëzve nga të cilët janë marrë pjesët.
Ernst Ploil nga Im Kinsky është shprehur: “Ne kemi një marrëveshje, sipas parimeve të Uashingtonit, me të gjithë familjen”.
Megjithatë, Erika Jakubovits, drejtoresha ekzekutive e Presidencës së Komunitetit Hebre Austriak, tha se kishte ende shumë pyetje pa përgjigje. Ajo ka kërkuar që rasti të hulumtohet nga “një parti e pavarur”.
“Kthimi i artit është një çështje shumë e ndjeshme, të gjitha kërkimet duhet të kryhen me saktësi dhe në detaje, dhe rezultati duhet të jetë i kuptueshëm dhe transparent. Duhet të sigurohet që të ketë edhe një procedurë moderne për kthimet e ardhshme private”, ka thënë zonja Jakubovits.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Sekreti i shpirtit binjak