Një studim i NerdWallet i bërë në shtator të vitit 2016 ka thënë se në këtë periudhë ka më pak konkurrencë. Studimi gjithashtu ka treguar dhe çmimet e shtëpive në janar të cilat janë më të ulëtat gjat vitit. Dhe në vitin 2017, me rritjen e çmimit të hipotekës, ka disa arsye pse janari është periudha më e mirë për të blerë një shtëpi.
Çmimet kanë tendencën të rriten
Vlera e shtëpive në janar ka një diferencë shumë të madhe krahasuar me blerjet në periudhën e verës. Në këtë raport, NerdWallet ka analizuar çmimet e shitjeve të shtëpive në periudhën janar-shkurt të cilat ishin 8.45% më të ulëta krahasuar me periudhën nga qershori në gusht.
Konkurrenca e ulët
“Ti përballesh me pothuasje gjysmën e konkurrencës me të njëjtën sasi të inventarit në treg,” ka thënë Jonathan Smoke, kryeekonomisti i Realtor.com. Kjo do të thotë se më pak shtëpi me oferta të shumta dhe më shumë mundësi për të negociuar me shitësit.
Norma e hipotekave pritet të rritet
Normat e hipotekës filluan të rriten në vjeshtë të 2016-tës. Këtë vit, ekspertët e ekonomisë presin rritje të mëtjeshme dhe kjo do të thotë pagesa më të larta për pronarët e rinj të shtëpive.
“Ndërkohë që ne presim pranverën dhe verën e vitit 2017, ka një arsye tjetër për të bërë blerje në janar dhe shkurt,” tha Smoke.
Me normën e hipotekës që do të jetë e ulët gjithë vitin – dhe konkurrencën e pakët dhe çmimet e ulëta – janari është periudha ideale për të bërë blerjen tuaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
