Përbërësit themelorë të jetës në Tokë, dhe ndoshta në Mars, kanë arritur nga ndikimi i asteroideve. Kjo gjë tregohet nga simulimi i kryer në Japoni, nga ekipi i universitetit ”Tohoku”, i udhëhequr nga Yoshihiro Furukawa, dhe botuar në revistën Scientific Reports.
Eksperimenti simuloi ndikimin e asteroideve në oqean, duke treguar se ngjarje të tilla mund të shkaktojnë reaksione kimike që çojnë në formimin e ”blloqeve ndërtuese” të proteinave. Rezultati është konfirmim i mëtejshëm se sa të rëndësishëm kanë qenë asteroidet për jetën në Tokë, pasi eksperimentet e udhëhequra nga Raffaele Saladino dhe Ernesto di Mauro, nga Universiteti i Tuscias në Viterbo, kishin treguar në të kaluarën, se përbërësit e jetës u sollën nga meteoritët, ndërsa reaksionet kimike për formimin e molekulave biologjike u aktivizuan nga uji.
Për të simuluar reagimet që shkaktojnë kur një meteor bie në oqean, studiuesit japonezë riprodhuan kushtet e pranishme në Tokë rreth 4 miliardë vjet më parë, duke filluar nga përbërja e atmosferës, në të cilën mbizotëronte dioksidi i karbonit dhe azoti. Simulimi atmosferik, gazrat atmosferikë, uji dhe hekuri i përmbajtur në meteoritët u riprodhuan më pas në simulimin e ndikimit. Nga kjo përzierje doli formimi i aminoacideve si glicina dhe alanina, të cilat janë përbërës të drejtpërdrejtë të proteinave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English