Pavarësisht zerimit të tarifave të regjistrimit, përdorimi i makinave elektrike në vendin tonë është tejet modest në raport me numrin e përgjithshëm të mjeteve me karburant. Sipas të dhënave zyrtare nga Drejtoria e Përgjithshme e Shërbimeve të Transportit Rrugor, deri në muajin mars 2022 në vendin tonë rezultojnë të regjistruara 2 588 makina elektrike. Në këtë shifër përfshihen edhe ato automjete që janë hibride, apo thënë ndryshe të kombinuara edhe me naftë apo benzinë.
Ndërkohë që, në raport me numrin total prej 752,970 të mjeteve aktive në vend, këto autovetura përbëjnë vetëm 0.35% të totalit. Vendimi për rimbursimin e tarifave të regjistrimit për herë të parë për mjetet elektrike u ndërmor nga Drejtoria e Përgjithshme e Shërbimeve të Transportit Rrugor në nëntor të vitit 2019.
Lexo edhe: Qeveria stimulon këdo që vendos të blejë makinë elektrike
Këtu përfshihen tarifat që paguhen aktualisht për kontrollin fizik, lejen e qarkullimit, targat standarde dhe certifikatën e pronësisë, me një vlerë totale prej 7 500 lekësh.
Ministrja e Energjisë dhe Infrastrukturës, Belinda Balluku ka inkurajuar më herët për të shtuar përdorimin e makinave elektrike, ndërsa kryetari i Bashkisë së Tiranës, Erion Veliaj është shprehur se synon që brenda vitit 2030 flota e transportit publik në Tiranë të jetë e gjitha elektrike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English