Parashikimi, KE për Shqipërinë: Rritje ekonomike 3.2% në 2016-n

Parashikimi, KE për Shqipërinë: Rritje ekonomike 3.2% në 2016-n


Komisioni Europian publikoi parashikimin ekonomik të dimrit për vendet anëtare dhe kandidate të BE-së. Në përmbledhjen për Shqipërinë vlerësohet se, “rritja ekonomike është në trajektore ngjitëse, për shkak të dallgës së investimeve dhe një kontributi pozitiv të eksporteve neto”.

Investimet e huaja direkte mbeten burim i rëndësishëm zhvillimi, ndërsa konsolidimi fiskal qëndron në krye të agjendës politike. “Megjithatë, ndjesia ekonomike mbetet e paqëndrueshme dhe kreditimi i ekonomisë, i nënshtruar”.

Pavarësisht kontributit kyç për rritjen ekonomike të 5 viteve të fundit, industria nxjerrëse parashikohet të ulë prodhimin vendas, që ndikohet dhe nga “paqëndrueshmëria e motit për prodhimin e hidrocentraleve, të cilat plotësojnë pjesën dërrmuese të nevojës së Shqipërisë për elektricitet”, thuhet më tej në dokument.

Nga 2.7% për 2015-n, Komisioni parashikon një rritje ekonomike prej 3.2% në 2016-n dhe 3.5% për 2017-n. Nga 4% e GDP-së, deficiti rezulton të ketë rënë në 3.5% për 2015-n, duke iu afruar normës së lejuar të BE-së (prej 3%), ndërsa vendi parashikohet të përmirësojë balancën me 2.3% këtë vit dhe 1.8% vitin e ardhshëm.

Parashikimi për punësimin rritet nga 1.7% në 2% gjatë 2015-s, duke përmirësuar dhe pritshmëritë për dy vitet në vijim, me 2.2% dhe 2.5% respektivisht, ndërsa ruhet e njëjta normë parashikimi për papunësinë (17.5% për 2015-n, 16.9% për 2016-n).

Borxhi publik, i rritur ndjeshëm dhe në mënyrë të vazhdueshme prej vitit 2011, pritet të bjerë më tej, nga 72.3%, në 71.6% këtë vit dhe 69.9% vitin e ardhëm. Në këtë kuadër, krahas rreziqeve që lidhen me kursin e këmbimit, Komisioni vëren se “mund të rriten presionet për shpenzime në prag të zgjedhjeve parlamentare të 2017-s, kur skadon dhe programi i mbështetjes së FMN-së për Shqipërinë, që vepron si një spirancë disiplinore aktualisht”.

Parashikimi ekonomik i dimrit flet për rimëkëmbje graduale të huadhënies bankare për qëllime biznesi dhe ringjallje investimesh, nxitur nga gazsjellësi trans-adriatik (TAP), i cili pritet të rrisë formimin e kapitalit fiks bruto, pasi hyn në një fazë intensive këtë vit. Sipas dokumentit, “paqëndrueshmëria e besimit të konsumatorëve dhe biznesit ka rritur nivelin e pasigurisë në vend”.

Përmirësimi i kushteve financiare dhe punësimit pritet të ndikojnë shpenzimet e konsumatorëve, ndërkohë që “remitancat e shqiptarëve, që jetojnë jashtë vendit, rezultojnë të paqëndrueshme, duke reflektuar veçanërisht destabilitetin e ekonomisë greke”.

/Top-Channel/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0