Shkrirja e akullnajave po rizgjon viruset dhe bakteret e lashta që kanë qenë të bllokuara në akull prej shekujsh. Ndërsa temperaturat globale rriten për shkak të ndryshimeve klimatike, bëhet më e mundshme që viruset dhe bakteret e mbyllura në akullnajat dhe ngricat e përhershme mund të rizgjohen dhe infektojnë kafshët e egra lokale. Kjo ngre shqetësimin se pandemia tjetër mund të vijë pikërisht nga shkrirja e akullnajave.
Analiza gjenetike e tokës dhe sedimenteve të liqenit Hazen liqeni më i madh i ujërave të ëmbla të Arktikut në botë, tregon rrezikun e përhapjes virale tek kafshët. Për të kuptuar më mirë rrezikun e shkaktuar nga viruset e ngrira, Dr Stéphane Aris-Brosou dhe kolegët e tij në Universitetin e Otavës në Kanada mblodhën mostra dheu dhe sedimenti nga liqeni Hazen, afër vendit ku rrodhën sasi të vogla, të mesme dhe të mëdha të ujit të shkrirë nga akullnajat lokale. Ekipi nuk përcaktoi se sa nga viruset që ata identifikuan ishin të panjohur më parë.
Në vitin 2016, një shpërthim i antraksit në Siberinë veriore që vrau një fëmijë dhe infektoi të paktën shtatë persona të tjerë, iu atribuua një valë të nxehti që shkriu ngricën e përhershme dhe ekspozoi një kufomë të infektuar. Para kësaj, shpërthimi i fundit në rajon kishte qenë në vitin 1941.
Gjithashtu në 2021 studiuesit në Universitetin Shtetëror të Ohajos në SHBA njoftuan se kishin gjetur material gjenetik nga 33 viruse – 28 prej tyre të reja – në mostrat e akullit të marra nga rrafshnalta tibetiane në Kinë. Bazuar në vendndodhjen e tyre, viruset u vlerësuan të jenë afërsisht 15,000 vjet të vjetra. theguardian
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
