Panairi fason, Ahmetaj: Promovojme prodhimin “Made in Albania”

U hap sot ne Tirane panairi “International Textile: Fashion, Fason Expo”, panairi i pare i ketij lloji ne vendin tone.

Ne te ekspozuan prodhimet e tyre disa nga kompanite kryesore qe ushtrojne aktivitetin e tyre ne industrine e regjimit te perpunimit aktiv, apo prodhimin dhe perpunimin e tekstileve dhe kepuceve.

Po keshtu, perveç sektorit fason, ne panair moren pjese edhe stiliste dhe designer te cilat ekspozuan modelet e tyre te veshjeve per sfilata.

Te pranishem ne Panair ishin edhe Ministri i Zhvillimit Ekonomik, Turizmit, Tregtise dhe Sipermarrjes Arben Ahmetaj dhe Ministri i Mireqenies Sociale dhe Rinise, Blendi Klosi.

Ne nje prononcim per mediat Ministri Ahmetaj e vleresoi kete si nje moment shume te rendesishem per industrine fason:

“eshte rast shume i mire per te pare zhvillimin e industrise qe nuk eshte me fason, por eshte cikel i plote, qofte te industrise tekstile qofte te perpunimit te lekureve, deri tek prodhimi i kepuceve. eshte nje shembull shume i mire sesi ka funksionuar paketa e mbeshtetjes per industrine,” tha Ahmetaj.

Sa i perket mbeshtetjes qe Ministria e Zhvillimit Ekonomik eshte duke i dhene sektorit, Ministri Ahmetaj tha se “vitin e kaluar Ministria e Zhvillimit Ekonomik ka iniciuar paketen mbeshtetese per manifakturen, me 32 masa, nga te cilat sot 28 jane realizuar dhe ndajme me industrine te njejtin konkluzion qe paketa ka funksionuar, paketa ka qene nje nga shkaqet e zhvillimit te industrise. Tani jemi ne nje moment te dyte te mbeshtetjes se industrise, per ta çuar ate ne nje stad tjeter, per t’u kthyer ne Made in Albania, pra prodhuar ne Shqiperi, ku vlera e shtuar kryesore qendron en vend dhe nuk iken jashte. Sikurse u shpreh dhe nje nga prodhuesit, kur kalon ne cikel te plote “Made in Albania”, vlera e shtuar shumefishohet kater here dhe patjeter, ngelet ne Shqiperi.”