Dhoma e Tregtisë Tiranë kërkon ndërhyrje radikale në Paketën Fiskale 2023, pasi ajo fokusohet në penalitete e gjoba dhe jo në ndihmë reale për bizneset. Nikolin Jaka, drejtuesi i Dhomës së Tregtisë Tiranë, ka bërë propozimet që sipas tij, krijojnë shtysë për ekonominë, ndërsa tha se pret që qeveria të ngrejë një grup pune për të diskutuar mbi këto rekomandime.
Për përballimin e rritjes së kostove Jaka kërkon të hiqet TVSH për makineritë në sektorin e energjisë së rinovueshme, të hiqet akciza për gazin, në ndërtim të hiqet taksa 3% për banesat sociale.
“Paketa fiskale ka nevojë për ndërhyrje radikale. Paketa e propozuar fokusohet te gjobat, jo ndihma. Nuk mund të ketë penalitete 10-fish, në asnjë vend nuk ndodh. Amnistia fiskale, projektligji i saj po imponohet. Duhet bashkëpunim me sipërmarrjen dhe grupet e interesit. Ligji, edhe pse mund të shihet demoralizuese për taksapaguesin e ndershëm, duhet të ketë masa që ky fenomen të mos përsëritet më. Të bëhet rimbursimi i TVSH. Heqja e TVSH për makineritë në sektorin e energjisë së rinovueshme. Të hiqet akciza për gazin. Bujqësisë i kërkohet reduktimi i normës së TVSH për përpunimin. Të përfshihen në skemë subvencioni 10 lekë për qumështin, 10 000 për krerët e lopëve dhe dele. Po ashtu për ushqimin për kafshët e shpendët. Sektori i shpendëve nuk ka asnjë subvencion. Në sektorin e ndërtimit të hiqet taksa 3% për banesat sociale. Të hiqet tarifa e skanimit për mallra nën 2000 euro. Për këto mallra as nuk bëhet skanimi, por tarifa paguhet. Dhoma e tregtisë pret nga qeveria shqiptare ngritjen e një grupi pune me ekspert me institucioneve dhe sipërmarrësve. Të ulemi t’i diskutojnë, ato që janë të logjikshme të përfshihen në paketën fiskale të 2023”, tha Jaka.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
