OSHEE me bilanc pozitiv pas shumë vitesh - Business Magazine Albania

OSHEE me bilanc pozitiv pas shumë vitesh

~2 minuta lexim


Operatori i Shpërndarjes së Energjisë Elektrike raportoi se për herë të parë pas shumë vitesh regjistroi një bilanc pozitiv. Përmes një njoftimi zyrtar OSHEE bën të ditur se gjatë vitit të kaluar regjistroi 14.9 miliardë lekë ose mbi 120 milionë dollarë fitime.

Sipas kompanisë ky është viti i dytë që treguesit financiar shënojnë përmirësim të ndjeshëm. Në 2013-ën, OSHEE regjistroi 27 miliardë lekë humbje ndërsa në 2014, humbjet ranë në 4.5 miliardë lekë.

Sipas OSHEE përmirësimi i bilancit është rezultat i uljes së humbjeve në rrjet dhe rritjes së arkëtimeve nga energjia e faturuar. Kompania arkëtoi 65,7 miliard lekë vitin e kaluar me një rritje prej rreth 33 për qind krahasuar me 2014-ën. Nga ana tjetër humbjet e energjisë në rrjet ranë nga 37.8 për qind që ishin në 31.3.

Përmirësimi i treguesve dhe shëndoshja e bilancit, sipas kompanisë i kanë bërë asaj të mundur që vitin e kaluar të financojë 7.5 miliardë lekë investime me fondet e veta ndërsa këtë vit shifra pritet të arrijë në 12 miliardë lekë.

 

/Top-Channel/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0