Rama tha se, “Shpresoj që deri në fund të këtij viti të jemi gati që t’u ofrojmë qytetarëve shqiptarë mundësinë e pjesëmarrjes si aksionerë me qëllim që vitin e ardhshëm kompania të kthehet në një kompani ku pjesëmarrja masive e qytetarëve si aksionerë do të ketë një benefit reciprok”. Sipas tij, në pak vite do të ketë një liberalizim 100% të tregut të energjisë.
Prezantimi i strategjisë shërbeu edhe për një bilanc të deritanishëm te sektorit. Ministri i Infrasturkturës dhe Energjisë Damian Gjiknuri tha se humbjet u reduktuan nga 45.04% në 2013 në 26.41% në fund të vitit 2017. “Rritëm ndjeshëm nivelin e arkëtimeve nga 38.6 miliardë lekë në 2013 në 64.1 miliard lekë në fund të vitit 2017”, theksoi Gjiknuri.
Në strategjinë e energjisë është parashikuar që humbjet teknike dhe jo-teknike të shpërndarjes së energjisë elektrike nga 26.4% vitin e kaluar të zbresin në 10% në vitin 2030, nivel ky i krahasur me të gjitha vendet europiane.
Sipas Gjiknurit, “Do të vazhdojë rritja e arkëtimeve të energjisë elektrike nga 90% në vitin 2018 në 98% në vitin 2030”.
Shkalla e hapjes së tregut të energjisë elektrike është parashikuar të arrijë 100% në vitin 2025 duke ndërtuar njëkohësisht një skemë të thjeshte dhe të zbatueshme në drejtim të mbrojtjes së konsumatorëve familjarë me të ardhura të ulëta, sipas ministrit.
Në strategjinë e energjisë, në 12 vitet e ardhshme është parashikuar një nivel i penetrimit të natyror ndaj burimeve primare, në nivelin 20%. Ndërkohë, pesha e energjisë së rinovueshme ndaj totalit pritet të jetë 42% në vitin 2030.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
