Organizata Botërore e Shëndetësisë: Ja sesi NUK transmetohet virusi

Organizata Botërore e Shëndetësisë: Ja sesi NUK transmetohet virusi


Coronavirusi i ri NUK transmetohet përmes mallrave të prodhuara në Kinë apo në cilindo shtet që ka raportuar raste.

Edhe pse coronavirusi i ri mund të qëndrojë mbi sipërfaqe për disa orë, madje edhe për disa ditë (në varësi të materialit të sipërfaqes), nuk ka të ngjarë që virusi mbijeton pasi është lëvizur, nëse ka udhëtuar apo nëse ka qenë ekspozuar ndaj temperaturave dhe kushteve të ndryshme. Nëse mendoni se një sipërfaqe është infektuar, përdorni lëndë dezinfektuese për ta pastruar.

A prek coronavirus vetëm të moshuarit, apo edhe të rinjtë janë të rrezikuar?

Persona të së gjitha moshave mund të infektohen me coronavirus. Të moshuarit dhe njerëzit që kanë pasur sëmundje të mëparshme, si për shembull astma, diabeti, sëmundjet e zemrës janë më të rrezikuar. OBSH këshillon njerëz të gjithë moshave që të marrin hapat e duhura për tu mbrojtur nga virusi.

Sa efektivë janë skanerët termal në pikasjen e personave të infektuar me coronavirusin e ri?

Skanerët termal janë efikase për të pikasur personat që mund të shfaqin temperaturë për shkak të infeksionit nga coronavirusi i ri.

Megjithatë, ato nuk mund të dallojnë personat që janë të infektuar por që nuk shfaqin simptoma, si për shembull temperatura e lartë. Kjo ndodh pasi duhen nga 2 deri në 10 ditë përpara se personat e infektuar të fillojnë të shfaqin simptoma.

Dushi i nxehtë NUK e parandalon virusin

Të bësh një dush me ujë të nxehtë nuk do iu ndihmojë me COVID-19. Në fakt, dushi i nxehtë mund të jetë i dëmshëm pasi mund të digjeni. Mënyra më efikase për të mbrojtur veten kundër coronavirusit është larja e shpeshtë e duarve, kësisoj ju mund të eliminoni bakteret që keni nëpër duar dhe të shmangni infeksionet që përhapen përmes prekjes së syve, gojës dhe hundës.

Lexoni: Shkon në dhjetë numri i personave të infektuar me Koronavirus

Moti i ftohtë dhe dëbora NUK e vrasin coronavirusin e ri

Nuk ka arsye për të besuar se moti i ftohtë vret coronavirusin e ri apo sëmundje të tjera. Temperatura normale e trupit qëndron nga 36.5°C deri në 37°C, pavarësisht temperaturës së jashtme apo motit. Mënyra më efikase për të mbrojtur veten kundër coronavirusit është larja e shpeshtë e duarve, përmes produkteve sanitare që kanë alkool apo thjesht me ujë dhe sapun.

Spërkatja e trupit me alkool ose klor NUK ndihmon

Jo, spërkatja e trupit me alkool ose klor nuk e vret virusin në rast se jeni infektuar. Spërkatja me substanca të tilla mund të jetë e dëmshme për membranat mykotike (sytë, goja). Alkooli dhe klori mund të ndihmojnë për të dezinfektuar sipërfaqet, por ato duhet të përdoren sipas udhëzimeve të duhura.

Vaksinat e pneumonisë NUK mbrojnë kundër coronavirusit

Virusi është kaq i ri dhe i ndryshëm nga të tjerët sa ka nevojë të krijohet një vaksinë e posaçme për të.

Shpëlarja e hundëve me ujë të kripur NUK shmang infeksionin

Jo, nuk ka fakte se shpëlarja e rregullt e hundëve me ujë të kripur mund të mbrojë nga infeksioni prej coronavirusit të ri.

Ka disa sugjerime që shpëlarja e hundës me ujë të kripur mund të ndihmojë të shëroheni nga gripi i zakonshëm, por nuk ka prova se mund të parandalojë infeksionet e rrugëve respiratore.

Ngrënia e hudhrës NUK mbron nga COVID-19

Hudhra është një ushqim i shëndetshëm që mund të ketë disa veti antimikrobike. Megjithatë, nuk ka fakte se ngrënia e hudhrës mund t’ju mbrojë nga coronavirusi.

Antibiotikët NUK janë efektivë për të trajtuar coronavirusin

Antibiotikët veprojnë vetëm kundër baktereve ndërsa coronavirusi është virus, kështu që antibiotikët nuk duhet të përdoren si mjet parandalimi ose si kurë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0