Agjencia e Prokurimit Publik njoftoi se operatorët ekonomikë mund të marrin disa shërbime përmes platformës e-Albania, në një përpjekje për të lehtësuar procedurën për këta të fundit. Sipas njoftimit zyrtar, bizneset aktive në tenderë përmes hyrjes në platformë me NIPT-in e tyre dhe fjalëkalimin mund të sigurojnë nga regjistrimi në sistemin e prokurimeve, deri tek vërtetimi që nuk janë të përjashtuar nga tenderët.
“Agjencia e Prokurimit Publik njofton të gjithë operatorët ekonomikë, të cilët përdorin Sistemin e Prokurimit Elektronik, se:
Për t’iu ardhur në ndihmë operatoreve ekonomikë në lehtësimin e procedurave, në platformën e-Albania, e cila administrohet dhe zhvillohet nga Agjencia Kombëtare e Shoqërisë së Informacionit, do të mundësohen si shërbime të reja elektronike procesi i regjistrim/ndryshim fjalëkalimi apo për pajisjen me vërtetim mospërjashtimi nga prokurimet.
Lexoni: Kosova i kërkon Apple të njohë kufijtë e saj
Konkretisht, të gjithë operatorët ekonomikë pasi të identifikohen në platformën e-Albania me anë të Nipt-it të tyre dhe fjalëkalimit, mund të aplikojnë në secilin nga shërbimet e mëposhtme:
Regjistrimi i Operatorëve Ekonomikë në Sistemin e Prokurimeve Elektronike; Ndryshim Fjalëkalimi në Sistemin e Prokurimeve Elektronike; Vërtetim Mospërjashtimi për Operatorët Ekonomikë”, shrkuhet në njoftimin e APP.
Aktualisht në platformën e-albania ofrohen qindra shërbime për qytetarët dhe bizneset ndërkohë që një sërë shërbimesh u shtuan edhe si pasojë e pandemisë, ku distancimi fizik dhe kufizimi i lëvizjeve sollën nevojën e aplikimit të shërbimeve të reja online.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English