Lideri në tregun e inteligjencës artificiale, OpenAI, raportohet se është në përgatitje për të lansuar modelin e tij më të ri të AI-së, i quajtur “Strawberry”, në ChatGPT në dy javët e ardhshme.
Sipas raportimeve të reja nga The Information, OpenAI planifikon të lançojë së shpejti modelin Strawberry, një model i aftë për të zgjidhur probleme komplekse që modelet e mëparshme kanë pasur vështirësi, duke menduar në shumë hapa.
Sipas të gjitha burimeve, Strawberry do të konsiderohet një model për arsyetim, që do të thotë se do të jetë në gjendje të trajtojë kërkesa më të ndërlikuara që kërkojnë disa hapa për t’u përfunduar, nga zgjidhja e problemeve të vështira të algjebrës deri te zhvillimi i një fushate të plotë marketingu që zgjat disa muaj. The Information gjithashtu raportoi se, në fillim, Strawberry do të jetë në gjendje të përpunojë vetëm tekst, në ndryshim nga GPT-4o, modeli kryesor i OpenAI që mund të përpunojë imazhe dhe audio.
Ndërsa kjo do të thotë se Strawberry do të jetë më pak i prirur për gabime krahasuar me GPT-4o, ndërlikimi është se modeli thuhet se është më i ngadaltë. Sipas The Information, mund të duhen nga 10 deri në 20 sekonda për të përgjigjur një kërkesë nga përdoruesi, dhe modeli pritet të shmangë përpunimin e imtësishëm për kërkesat e thjeshta. Disa persona që kanë testuar versionet e hershme të modelit i thanë The Information se për përgjigjet e marra nuk ia vlente pritja.
Është e mundur që, për shkak të aftësive të tij të avancuara, Strawberry të kërkojë më shumë burime kompjuterike dhe të kushtojë më shumë për t’u përdorur. The Information raportoi se Strawberry “ka të ngjarë të ketë limit që kufizon përdoruesit në një kuotë maksimale kërkesash që mund ti bëhen për orë, me mundësinë gjithsesi të aktivizimit të një modeli që është më i shpejtë në përgjigje por me pagesë më të lartë.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
