OpenAI duket se po zhvillon një funksionalitet të ri që do të lejojë integrimin e ChatGPT-së në aplikacionin Apple Health, megjithëse ende nuk dihet se kur kjo veçori mund të bëhet e qasshme për publikun.
Versioni i fundit i aplikacionit ChatGPT për iPhone përmban një imazh të ri të ikonës së Apple Health të fshehur brenda kodit të aplikacionit.
Emri sugjeron se përdoruesit do të mund të lidhin aplikacionin Apple Health me ChatGPT, në mënyrë që të marrin përgjigje më të personalizuara dhe të dobishme bazuar në të dhënat e tyre për shëndetin dhe fitness-in.
ChatGPT mund të qaset në disa kategori të Apple Health, duke përfshirë aktivitetin fizik, gjumin, dietën, frymëmarrjen dhe dëgjimin.
Megjithëse aplikacioni u përditësua ditën e hënë, nuk është e qartë se kur ose nëse funksionaliteti do të bëhet publik.
Nëse planet do të realizohen, Apple Health do të jetë i integruar në cilësimet e ChatGPT, nën Apps & Connectors.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
