Nisma “Open Balkan” e inicuar nga tre shtete, Shqipëri, Maqedoni e Veriut dhe Serbi do të finalizojë pas një viti takimesh dhe përpjekjesh, disa marrëveshje për lëvizjen e lirë të njerëzve dhe të mallrave.
Qëllimi final i kësaj nisme është krijimi i një tregu të përbashkët rajonal, ndërsa liderët e tre vendeve shprehen se marrja në dorë e frenave, pa drejtimin e BE-së, e cila nisi Iniciativën e Berlinit, do të përshpejtojë procesin e krijimit të trrgut të përbashkët rajonal dhe t’i japë një dinamizëm të ri tregtisë mes vendeve.
Pas takimit në Maqedoninë e Veriut, ai i radhës mes kryeministrit Edi Rama, Vuçiç dhe Zoran Zaev mbahet sot në Tiranë.
Mbrëmjen e djeshme delegacionet zhvilluan një darkë informale në Elbasan aty ku u pritën nga kryeministri Rama. Takimi zyrtar u zhvillua në Pallatin e Brigadave.
Përveç delegacioneve nga të tre vendet, në samit do të marrë pjesë online dhe komisioneri i BE për zgjerimin dhe fqinjësinë Oliver Verheli, si dhe Majlinda Bregu, Sekretare e Përgjithshme e Këshillit të Bashkëpunimit Rajonal. Në këtë takim do të nënshkruhen 5 marrëveshje.
Folës gjatë punimeve të samitit
- -Kryeministri Edi Rama
- -Presidenti serb, Aleksandar Vučić
- -Kryeministri i Maqedonisë, Zoran Zaev
- -Komisioneri për Zgjerimin dhe Fqinjësinë Olivér Várhelyi
- -Sekretarja e Përgjithshme e Këshillit të Bashkëpunimit Rajonal, Majlinda Bregu,
- -Drejtor i Sekretariatit të CEFTA-s, Emir Djikic
- -Drejtor i Komunitetit të Transportit, Matej Zakonjšek
- -Kryetar i Dhomës së Tregtisë dhe Industrisë së Serbisë, Marko Cadez
- -Në seancë marrin pjesë edhe krerët e dhomave të tregtisë:
- -Ines Muçostepa, Antoni Peshev
Marrëveshjet që do të nënshkruhen
- Marrëveshja për kushtet për akses të lirë në tregun e punës në Ballkanin Perëndimor.
- Marrëveshja për ndërlidhjen e skemave të identifikimit elektronik të qytetarëve të Ballkanit Perëndimor.
- Marrëveshja ndërmjet Këshillit të Ministrave të Republikës së Shqipërisë dhe Qeverisë së Republikës së Serbisë dhe Qeverisë së Republikës së Maqedonisë së Veriut për bashkëpunim në fushën e veterinarisë, sigurisë ushqimore dhe ushqimore për kafshë dhe fitosanitare në Ballkanin Perëndimor.
- Marrëveshja ndërmjet Qeverisë së Republikës së Serbisë dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar – siguri dhe siguri (AEOS).
- Marrëveshja ndërmjet Qeverisë së Republikës së Maqedonisë së Veriut dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar – siguri dhe siguri (AEOS).
Edhe pse ekspertët ekonomikë argumentojnë se kjo nismë do të favorizojë Serbinë, si vendi i cili ka ekonominë më të madhe në rajon dhe më të speciaëizuar sa i përket bujqësisë, shumë të tjerë mendojnë se kjo është një qasje që do sjellë prosperitet për një rajon të përçarë nga luftërat dhe të nxitur nga nacionalizmat e së shkuarës. Vendet e tjera ende nuk i janë bashkuar nismës, me Kosovën e cila refuzon bashkëpunimin tregtar në lushtet kur nuk ka njohje reciproke me Serbinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
