Pasi Rusia njoftoi se kishte gati vaksinën kundër COVID-19, Organizata Botërore e Shëndetësisë tha se po diskutonin me autoritetet e Moskës për zyrtarizim të mundshëm paraprak të vaksinës së aprovuar nga Moska, shkruan Reuters.
Lexoni: Rusia prezanton vaksinën anti-COVID, ekspertët janë të shqetësuar
“Mund të them se jemi në kontakt të ngushtë më autoritetet shëndetësore në Rusi dhe diskutimet po vazhdojnë lidhur me zyrtarizmin e mundshëm paraprak të vaksinës”, deklaroi Tarik Jasarevic, zëdhënës i OBSH.
Gjithësi, zyrtari theksoi edhe se “zyrtarizimi paraprak i çdo vaksine, përfshin vlerësime rigoroze të të dhënave mbi sigurinë dhe efikasitetit e nevojshëm”, duke iu referuar provave klinike të kryera deri më tani.
Siç Business Mag ka shkruar më herët, vaksina ruse, zhvilluar nga Instituti Gamaleya në Moskë, u miratua për përdorim publik, me punonjësit e shëndetësisë që do ta marrin të parët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
