Pavarësisht peshës së rritjes së çmimeve të energjisë dhe kërcënimit të një recesioni, industria gjermane vazhdon të rrisë numrin e punonjësve të rinj. Në fund të gushtit, në sipërmarrjet e industrisë prodhuese punonin rreth 5.5 milionë vetë, 1% më shumë se një vit më parë, njoftoi të hënën Zyra Federale e Statistikave.
“Numri i të punësuarve është rritur kështu për të tetën herë radhazi”, u tha. Krahasuar me korrikun e mëparshëm, ka pasur edhe një rritje prej 24.200 punonjësish ose 0.4%.
Lexo edhe: Inflacioni shënon rekord të ri në eurozonë
Megjithatë, evolucioni është shumë i ndryshëm nga një degë industriale në tjetrën. Prodhuesit e kompjuterëve, produkteve elektronike dhe optike (+4,1 për qind) dhe pajisjeve elektrike (+3,9 për qind) shënuan edhe një herë rritje të punësimit që ishte shumë mbi mesataren.
Rënie në sektorin e automobilave
Rritjet ishin shumë më të ulëta në sektorin e metalurgjisë dhe përpunimit të metaleve (1.3 për qind). Prodhuesit e produkteve ushqimore dhe ushqimit për kafshë, si dhe inxhinieri mekanike u rritën gjithashtu nën mesataren, me 0.9 për qind secili. Numri i të punësuarve në prodhuesit e makinave dhe pajisjeve të automobilave madje ra me 0.8 për qind./ Deutsche Welle
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
