N'RINI - Industria kreative dhe digjitalizimi - Episodi 5 - Business Magazine Albania

N’RINI – Industria kreative dhe digjitalizimi – Episodi 5

N'RINI
~3 minuta lexim

Ka nisur emisioni më i ri “N’Rini”, me plot të qeshura, argëtim, diskutime, për qejf si n’rini në kuadër të titullit “Tirana, Kryeqyteti Evropian i Rinisë 2022” (Tirana EYC 2022) i cili implementohet nga Kongresi Rinor Kombëtar, në bashkëpunim me Bashkinë Tiranë.

Në episodin e pestë me temë “Industria kreative dhe digjitalizimi”, të ftuar ishin Gerti Boshnjaku – Themelues dhe CEO New Media Group dhe Albania Tech dhe Klajdi Priska – Përgjegjës Politikash, KRK, Koordinator Programi “Rinia, Ekonomia Krijuese dhe Novacioni”, Tirana EYC 2022.

https://www.youtube.com/embed/IbNFaMQZTcE

Gjatë bisedës mbi industrinë kreative dhe digjitalizmin, të ftuarit u ndalën tek fusha e komunikimit dhe teknologjisë. Si po i prek të rinjtë digjitalizimi dhe bota virtuale e komunikimit online?

‘’Në harkun e viteve që vijnë, shumë profesione aktuale do të transformohen prej ritmit të ndryshimeve dhe zhvillimeve teknologjike. Një ndërthyrje midis kreativitetit dhe automatizimit të aftësive dhe proceseve të punës do të dominojë mënyrën sesi i qasemi problemeve dhe risive në shoqëri.” – theksoi Gerti.

Ai shtoi se të rinjtë sot hasen me një botë mundësish dhe hapësirash për të përvetësuar aftësi të reja, por është e rëndësishme të ruajmë vlerat dhe parimet njerëzore dhe origjinale duke përdorur teknologjinë në përfitim të komunitetit.

Lexo: Teknologjia, një mundësi e lidhjes së diaporës me Shqipërinë

“Mendoj se të rinjtë shqiptar duhet të shfrytëzojnë hapësirat e ofruara dhe të ndërmarrin më shumë rreziqe për të eksploruar fushën e teknologjisë dhe digjitalizimit. Nxitja e inovacionit dhe edukimit të të rinjve për aftësimin e tyre në digjitalizim ndikon pozitivisht në angazhimet e tyre profesionale dhe personale” – shtoi Klajdi gjatë diskutimit N’Rini.

Për të zbuluar më shumë mbi diskutimet gjatë këtij episodi që preku disa nga temat më interesante të zhvillimeve teknologjike dhe angazhimit të të rinjve në këto fusha, ndiq episodin e plotë:

Emisioni N’Rini sjell tematika dhe biseda që prekin të rinjtë dhe jetën e tyre në fusha të ndryshme. Transmetohet çdo të enjte në orën 20:00 në kanalin e youtube të Tirana EYC 2022 – KRK https://www.youtube.com/channel/UCLco8ProBaoWhVGOxaGmaUw/videos

Ky podcast realizohet nga Kongresi Rinor Kombëtar, Ide Albania dhe Concept Marketing Albania në kuadër të Tirana EYC 2022, me mbështetjen e Bashkisë Tiranë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0