Mund të mendoni se keni udhëtuar shumë – por asnjë nuk ka udhëtuar me avion më shumë se 74 vjeçari, Fred Finn, të paktën sipas Librit të Rekordeve Gines (Guinness Book of World Records.) Ai ka vizituar 150 shtete dhe mban titullin e personit që ka përshkuar më shumë milje me avion.
Ai thotë se ka përshkuar 16 milionë milje si dhe ka kaluar orë të panumërta në qiell.
“Udhëtoja mbi Atlantik çdo javë për 4 vite kur jetoja në New York,” thotë Finn duke shtuar “Në atë kohë, doli Concorde dhe mora fluturimin e parë jashtë Washington me të që do të thoshte se mund të merrja avionin më pas për në Nairobi apo Singapor në të njëjtën ditë dhe ta bëja të njëjtin udhëtim brenda 9 orëve në vend të 18 orëve.”
Biznesmeni ndërkombëtar kishte dikur “3 pasaporta të ngjitura me njëra-tjetrën” dhe të gjitha me viza të vlefshme por sot ai mban një pasaportë amerikane dhe një britanike dhe kërkon vula me periudha të gjata kohore për të pasur vend në faqet e pasaportës.
“E kaloj pjesën më të madhe të kohës në Ukrainë,” thotë Britaniku. “Sa më shumë që më qëndron një pasaportë, aq më mirë.”
Gjithashtu ai pretendon se është shkrimtari numër një në TripAdvisor me “43,000 ndjekës.””Çdo vend ku kam qenë, ose kam punuar ose kam qëndruar atje. Qëndrimet në aeroporte zor se mund të quhen biznes në një vend të caktuar. Duhet të dalësh jashtë aeroportit për ta parë vendin që të thuash më pas se keni qenë në atë vend,” përfundon Finn.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
