Një vaksinë amerikane rezultoi pozitive gjatë testimit tek njerëzit

vaksinë amerikane

Vaksina anti-Covid e kompanive BioNTech dhe Pfizer ka dëshmuar se krijon imunitet tek njerëzit, bazuar në fazën e parë të testimit tek njerëzit, shkruan Daily Mail.

Faza e parë e testimit u bë tek 36 persona. Njerëzit që morën vaksinën prodhuan imunitet në trupin e tyre në mënyrë të barabartë me – ose më shumë se sa – ata që në të kaluarën ishin infektuar me koronavirus.

Në asnjë prej personave nuk u vu re asnjë efekt anësor i rrezikshëm, të cilët, pas vaksinës më së shumti u ankuan për dhimbje koke dhe lodhje.

Përpjekja e Pfizer-it për të bërë një vaksinë, të cilën e ka quajtur BNT162b1, është në të njejtën linje pozitive me të tjera vaksina, që po provohen në Britani. Vaksinat e tjera po zhvillohen nga Universiteti Oxford dhe Imperial College London, që gjithashtu tregojnë shenja suksesi në testimin njerëzor.

Lexoni: Programi i akselerimit “Ringrihu më i fortë” përfundoi me sukses fazën e parë

Këto janë disa nga 17 vaksinat që po testohen mbi njerëz, në “një garë të furishme globale” për gjetjen e vaksinës që do i japë fund pandemisë, raporton Reuters. Disa javë më parë, Mbretëria e Bashkuar ka porositur 90 milion doza nga vaksinat anti-Covid, ende në fazë testimi, që po zhvillojnë kompanitë farmaceutike BioNtech dhe Pfizer.

Dy ditë më parë, Rusia u bë i pari vend në botë që regjistroi zyrtarisht një vaksinë, por studiuesit në gjithë botën janë skeptikë sepse vaksina dyshohet se është testuar vetëm në 38 persona dhe asnjë e dhënë nuk është bërë publike për studiuesit për të parë nëse vërtetë ajo funksionon.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale