Në kohën kur shumë njerëz janë në kërkim të një burimi të dytë të ardhurash, një trend i ri po fiton terren gjithnjë e më shumë në botën online, micro-hustle, ose ndryshe, bizneset e vogla digjitale që krijohen një herë dhe vazhdojnë të gjenerojnë të ardhura pafundësisht, me përpjekje minimale.
Lexo gjithashtu: Terapia me AI/ Kur chatbot-et që duam të na kuptojnë, mund të na kthehen në armik
Ky model i të ardhurave pasive po përqafohet gjerësisht nga profesionistë të fushave të ndryshme që duan të përdorin dijen e tyre për të krijuar produkte të thjeshta, si eBook, template, video-kurse, kalendarë editorialë apo guida PDF, të cilat mund të shiten në platforma si Gumroad, Etsy apo të tjera.
Në thelb, micro-hustle nuk kërkon staf, zyrë apo investim të madh. Mjafton një ide e qartë që zgjidh një problem konkret për një grup të vogël njerëzish. Për shembull, një mësues që krijon një plan mësimor të vlefshëm për kolegët e tij, mund ta shesë atë për 12 dollarë dhe të fitojë mijëra dollarë në vit, pa punuar më tej në atë material.
Ekspertët shpjegojnë se ky model funksionon për disa arsye, është i lehtë për t’u nisur, ka kosto të ulëta, dhe ofron mundësinë për të fituar në mënyrë të përsëritur pa nevojën për ndërhyrje të vazhdueshme. Për më tepër, nuk është nevoja të jesh një emër i njohur apo me ndjekës të shumtë në rrjete sociale, mjafton të ofrosh një zgjidhje të qartë dhe të dobishme.
Lexo gjithashtu: Një truk i thjeshtë që të ndihmon të përballesh me pasigurinë
Në vend që të përpiqen për suksese të mëdha me produkte komplekse, shumë krijues po zgjedhin të nisin me produkte të vogla dhe të përmirësojnë vazhdimisht ofertën e tyre. Sipas tyre, fitimet nuk vijnë menjëherë, por ndërtohen gradualisht, në mënyrë të qëndrueshme.
Në një botë ku fleksibiliteti dhe pavarësia financiare janë më të kërkuarat se kurrë, micro-hustle paraqitet si një nga mënyrat më të zgjuara për të ndërtuar të ardhura pasive dhe për të shtuar lirinë në jetën e përditshme. Dhe ndoshta, ndryshe nga sa jemi mësuar të besojmë, sekreti nuk qëndron gjithmonë tek idetë e mëdha, por tek ato të thjeshtat, që ndihmojnë realisht dikë tjetër.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
