Është ndërtuar në Hungari një sistem i ri modular për shtrimin e rrugëve, i bërë nga plastikë e riciklueshme, e cila mund të prodhojë energji nga dielli.
Edhe pse logjika nuk percepton që trotuaret dhe rruga është optimale për prodhimin e energjisë diellore, kjo nuk e ka ndaluar zhvillimin e këtij produkti. Platio, me bazë në Hungari, ka zhvilluar versionin e vet të një trotuari gjenerues për energjinë diellore dhe po punon gjithashtu për një produkt që konverton energjinë kinetike nga gjurmët në energji elektrike të pastër.
Sistemi u dizenjua nga kompania hungareze ‘Platio.’ Modulet përmbajnë qeliza monokristaline silikoni të vendosura në brendësi të xhamit. Gjithashtu një shtresë mbrojtëse plastike mundëson, që sistemi të mos dëmtohet kur njerëzit ecin në të.
Modulet e trotuarit janë të lidhura së bashku “si tulla LEGO” dhe kompania tregon tre opsione të ndryshme ngjyrash që përputhen apo kordinohen me trotuaret ekzistuese.
Trotuaret solare lidhen në një mënyrë që nuk kanë nevojë për instalime elektrike shtesë.
Platio ka shitur rreth 150 metra katrore të projektit të saj pilot. Trotuari gjeneron rreth 160 vat për metër katror. Sipas faqes zyrtare të kompanisë, ekipi ka disa plane të tjera për aplikime të lidhura me energjinë, duke përfshirë një sistem të magazinimit të energjisë, përhapjen më të mirë të mundshme të përdorimit të teknologjisë dhe ndërtimin e fasadave diellore.
Platio nuk është kompania e parë që dizenjon një sistem të tillë. Veçanërisht, Solar Roadways ka zhvilluar një ide të ngjashme për vite, madje edhe duke siguruar fonde nga Departamenti i Transportit të Shteteve të Bashkuara. Kurse Sistemi i Platio, tani për tani është më tepër i fokusuar tek trotuaret.
burimi: treehugger.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
