Një në tre të rinj janë më të ekspozuar ndaj COVID-19, duhanpirja një nga shkaktarët!

Edhe pse pretendohet se të rinjtë janë më pak të ekspozuar rrezikut të infeksionit të coronavirusit, faktorë të caktuar rrisin rrezikun e infeksionit në të gjitha grupmoshat, shkruan Business Insider. Studimi i ri i shkencëtarëve të Universitetit të Kalifornisë në San Francisco (UCSF), tregon se çdo i treti person i moshës 18-25 vjet janë të ekspozuar rrezikut më të madh të prekjes nga COVID-19.

Konsiderohet se në rrezik më të madh nga infeksioni janë persona të caktuar, tek të cilët ekziston të paktën një faktor i rrezikut, përfshirë duhanpirja dhe sëmundjet kronike, për shembull, zemra e dobët, diabeti, astma, mbipesha, sëmundjet autoimune apo të mëlçisë.

Megjithatë, shkencëtarët kanë konfirmuar se konsumimi i cigareve është faktor dominant i rrezikut tek personat adoleshentë. Rreth 8.400 të rinj janë përfshirë në studim, rreth 25 për qind prej tyre kanë deklaruar se muajve të fundit kanë pirë cigare apo edhe ato që janë konsiderohen si cigare elektronike.

Në anën tjetër, 16 për qind e tyre kanë raportuar se vuajnë nga sëmundjet kronike, siç është astma: rreth 9 për qind e të rinjve kanë raportuar se vuajnë nga kjo sëmundje. 12 për qind e pjesëmarrësve në studim kanë bërë të ditur se kanë pirë cigare, rreth 7 për qind e tyre kanë konsumuar muajve të fundit cigare elektronike. Rreziku nga koronavirusi është përgjysmë më i vogël nëse përfshihen duhanpirësit, përfshirë ata që konsumojnë cigare elektronike, thonë shkencëtarët. Çdo i gjashti person i ri që nuk ka pirë cigare i është ekspozuar rrezikut të COVID-19, thuhet ndër tjera në studim.

Hulumtimi i USCF tregon se rreziku nga infeksioni i thellë nga koronavirusi për shkak të konsumimit të cigares apo atyre elektronike, është më i lartë tek të rinjtë me të ardhura më të vogla që nuk janë të siguruar për të paktën një pjesë të vitit, shkruan Business Insider.

Rreth 16 për qind e të rinjve të rritur të përfshirë në studim, por që nuk pinë cigare, kanë qenë meshkuj, e vetëm 9 për qind femra. Në anën tjetër, në mesin e këtyre femrave ka pasur më shumë raste me astmë dhe sëmundje autoimune. Edhe pse nuk konsumojnë cigare, 30 për qind e femrave janë të ekspozuara rrezikut nga COVID-19, përkundër 33 për qind të meshkujve. E duke marrë parasysh që coronavirusi sulmon organet respiratore, pacientët që tashmë vuajnë nga dëmtimi i mushkërive apo inflamacioni për shkak të duhanpirjes, mund të zhvillojnë një pasqyrë të rëndë të COVID-19.

Përveç kësaj, duhanpirësit i kanë më të theksuar receptorët ACE-2 në rrugët e frymëmarrjes, për të cilat lidhet virusi me qëllim që të sulmojë organizmin. Gjykuar nga kjo, personat me më shumë receptorë ACE-2 gjithashtu janë të ekspozuar rrezikut më të madh nga pasqyra e rëndë e COVID-19.

Bussines Insider

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale