Një grua në krye të qeverisë italiane - Business Magazine Albania

Një grua në krye të qeverisë italiane

Italia, ekonomia e tretë më e madhe e Europës, do të ketë një qeveri të së djathtës ekstreme, 100 vite pas Benito Musolinit. Për herë të parë ajo do të ketë një kryeministre grua. Me rreth 26 % të votave të fituara në zgjedhjet e përgjithshme, liderja e “Fratelli d’Italia” Georgia Meloni pritet të bëhet kryeministrja e parë grua në vend, duke krijuar qeverinë më të djathtë që prej Luftës së Dytë Botërore.

Para mediave, ajo tha se se ky ishte një moment krenarie edhe shpagimi.

Së bashku me aleatët pritet të kontrollojnë të dyja dhomat e parlamentit, Senatin dhe Dhomën e Ulët, me rreth 44 përqind të votave.

Ultrakonservatore dhe me një te kaluar tek aktivizmi neofashist, ardhja e Melonit në krye të Italisë ka alarmuar pjesën më të madhe të Europës, por 45-vjeçarja premtoi se do të qeverisë për të gjithë dhe nuk do të tradhtojë besimin e popullit. ”Është e rëndësishme të kuptojmë ne do të mandatohemi të udhëheqim vendin, do ta bëjmë për të gjithë”.

Vendimin se kush bëhet kryeministri i ri, e merr presidenti Sergio Mattarela dhe për këtë do duhet pritur disa javë. Ndryshe nga kolegët e saj të së djathtës në Europë, Meloni e ka zbutur retorikën anti-europiane dhe mbështet sanksionet për Ukrainën. Por, ajo udhëhiqet nga motoja: “Zoti, atdheu, familja”.

Lexo: Xhaçka në Nju Jork: Të investohet në sigurinë kibernetike!

Në fushatën elektorale ajo premtoi ulje të taksave, rinegocim të kushteve të BE për paketën ekonomike prej 200 miliardë euro dhe barriera për anijet që vijnë nga Libia.

Rezultatet e partive të tjera janë: Partia Demokratike dhe qendra e majtë, në vendin e dytë me 19 % të votave, Lëvizja e 5 Yjet  15 % të votave.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0