Sot për besimtarët myslimanë në mbarë botën është një ditë e shënuar, pasi nis muaji i shenjtë i Ramazanit.
Ramazani është muaji i nëntë i kalendarit islamik dhe konsiderohet muaji më i shenjtë për besimtarët, teksa i kushtohet rëndësi reflektimit shpirtëror dhe përkushtimit ndaj besimit.
Sipas llogaritjeve astronomike, Ramazani 2026 (1447 Hixhri) nis më 19 Shkurt 2026 për Shqipërinë dhe do të përfundojë më 20 Mars 2026, duke zgjatur rreth 30 ditë. Dita e parë e Bajramit të Madh (Fitër Bajrami) pritet të jetë më 20 Mars 2026.
Ndërsa më poshtë është edhe kalendari i plotë me oraret e sakta të agjërimit për Shqipërinë:
Çfarë bëjnë besimtarët gjatë Ramazanit?
Gjatë këtij muaji, muslimanët praktikojnë agjërimin (nga agimi deri në perëndim), lutjet e rregullta dhe ato të natës (Taravih), bamirësinë dhe leximin e Kuranit. Është një periudhë për vetëpërmirësim, durim dhe solidaritet me të tjerët.
Në trevat shqipfolëse, Ramazani lidhet me tradita të bukura familjare:
Syfyri në familje-Zgjimi herët për të ngrënë ushqim para agimit.
Iftari bashkë-Çelja e agjërimit me hurma, ujë dhe ushqime tradicionale.
Vizitat familjare-Takime dhe iftare me të afërm dhe miq.
Namazi i Teravive-Lutjet e natës në xhami.
Businessmag Albania i uron besimtarëve myslimanë agjërim të lehtë e të pranuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
