Nga fjalët te veprat: Si të mbështesni një person përballë betejës me kancerin

Si do të reagonit nëse një mik, apo i afërmi juaj ju thotë se është diagnostifikuar me kancer gjiri? Ndoshta nuk do të ishit të sigurt se si ta mbështesni, apo çfarë të thoni. Kjo është diçka që shumë njerëz e përjetojnë.

Stephanie Elam, një korrespondente e CNN, u përball me sfidën e mbështetjes emocionale, kur dy nga mikeshat e saj, Ananda Lewis dhe Sara Sidner, u diagnostikuan me kancer gjiri. Ajo ka ndarë disa këshilla të vlefshme, sesi të qëndroni pranë njerëzve të zemrës, kur përballen me këtë sëmundje.

Kanceri i gjirit është një diagnozë që prek gratë në mbarë botën dhe megjithëse trajtimet janë përmirësuar, është ende një sëmundje me ndikim të madh. Ndërsa historitë e çdo pacienti janë të ndryshme, ka disa mësime të përbashkëta për ata që duan të jenë një mbështetje për një mik që përballet me këtë sëmundje.

Çdo histori është unike

Çdo person që përjeton kancerin e gjirit ka një udhëtim të ndryshëm. Njerëzit mund të jenë të diagnostikuar në faza të ndryshme të sëmundjes dhe mund të kenë zgjedhje të ndryshme për trajtimin. Një ndër mësimet kryesore është të jesh aty për ta, pa paragjykuar apo supozuar se çfarë është më e mira për ta.

Dërgoni një mesazh, por mos prisni përgjigje

Kur mikja juaj po përballet me trajtimin, mund të jetë shumë stresuese të ndihen të detyruara të përgjigjen menjëherë. Dërgoni mesazhe mbështetëse me një ton të qartë se nuk presin një përgjigje. Thjesht bëjini të ditur se jeni aty për to.

Ushqimi si dhuratë

Në vend që të blini dhurata si qirinj apo batanije, dërgimi i një karte dhuratë për një shërbim ushqimi mund të jetë më i dobishëm. Gjatë trajtimit, gatimi mund të jetë një detyrë e lodhshme, kështu që ndihma me ushqimin mund të bëjë një ndryshim të madh.

Trajtimi me kujdes, jo me keqardhje

Trajtoni mikun tuaj me ndjeshmëri, por mos e trajtoni sikur është i brishtë. Është shumë e rëndësishme që ata të ndihen normal dhe të mos jenë gjithmonë në fokus të kancerit, duke krijuar hapësirë për humor dhe biseda të zakonshme.

Lexo edhe: Keni nevojë për alarme të shumta për t’u zgjuar në mëngjes? Ja çfarë tregon kjo sipas ekspertëve

Ndihmoni me lidhjet

Nëse njihni dikë që ka përjetuar të njëjtën sëmundje, lidheni me dikë që po kalon të njëjtën përvojë. Të mësuarit nga të mbijetuarit mund të jetë shumë qetësuese dhe inkurajuese për të sëmurin.

Me këto pesë këshilla, ju mund të jeni një mbështetje e rëndësishme për dikë që përballet me kancer.

cnn.com