Krahu i djathtë i Torinos ka një “pronar” të ri: Mërgim Vojvoda, i lindur më 1995, i transferuar nga Standard Liege, i cili nënshkroi kontratë 4-vjeçare me klubin ambicioz të presidentit Cairo. Historia e këtij futbollisti kalon përmes vështirësish të mëdha, jo vetëm ekonomike, por edhe njerëzore, të kushtëzuara nga një fjalë që nuk do të donim ta dëgjonim kurrë: lufta. Në këtë rast, lufta në Kosovë, e cila në gjysmën e dytë të viteve ’90 detyroi prindërit e tij të emigronin në Gjermani. Më 5 mars 1998, filloi zyrtarisht lufta e Kosovës, me një periudhë tensioni të lartë, trazirash, vrasjesh dhe masakrash. Jeta në Gjermani nuk zgjati shumë, sepse qeveria gjermane i detyroi të kthehen në Kosovë.
“Për t’iu shpëtuar bombave, ne jetuam në pyll për disa muaj, u fshehëm midis thasëve me grurë dhe lëviznim nga njëra anë në tjetrën me traktorë. Ne luftuam kundër urisë dhe etjes, fjetëm me yjet”, – kujton Vojvoda. Për të përkeqësuar situatën tashmë në kufi, gjithashtu shërbeu burgosja e babait, vëllait dhe motrës në Republikën Çeke, një tjetër fazë pengesash të ngjashme me një fushë të minuar. Gjashtë muaj distancë dhe më pas arratisja e re, kësaj radhe për në Belgjikë: Pikërisht këtu filloi rilindja e Vojvodës si në planin njerëzor, edhe atë futbollistik.
Belgjika do të bëhej atdheu i tij, pika fikse, nga ku do të fillojë të ndërtojë reputacionin nga fillimi, duke lënë pas bombat dhe tmerrin e luftës. Ekipet e të rinjve të Standard Liège paraqiten si çlirim për të, nënshkrimi i kontratës së parë profesionale në ditëlindjen e 18-të ishte një gëzim i papërshkrueshëm, një lloj hakmarrjeje ndaj një jete që deri në atë moment nuk i kishte dhënë asgjë.
Më 2015, Vojvoda, pas një huazimi te Sint-Truiden, u transferua në Gjermani, në formë huazimi te Carl Zeiss Jena, një klub në kategorinë e katërt, që ka rol parësor në pjekurinë e tij si futbollist dhe si njeri. Rikthehet në Belgjikë, me Mouscron në “Jupiler League”. Një veprim i duhur, duke marrë parasysh që Vojvoda rezultoi të ishte një nga zbulimet e kampionatit, duke tërhequr vëmendjen e Standard Liège, i cili, disa vjet më vonë, më 2019, e merr në radhët e tij.
Një tjetër sezon i shkëlqyeshëm që i dha atij interesin e klubeve europiane të niveleve të mesme. Në Itali shfaqën interes Atalanta dhe Torino, një sprint i fituar nga “granatat”, që do t’i japin atij mundësinë për t’u shfaqur në një ligë të nivelit më të lartë si Seria A. Një ëndërr e fëmijërisë u realizua më në fund, pas sakrificave të mëdha të bëra për të fituar betejën kundër varfërisë dhe kushteve të dobëta të jetesës. Makthi i luftës nuk ekziston më, por ai nuk e harron. “Në çdo ndeshje me Kosovën imagjinoj sikur jam në luftë. Transformohem në një ushtar që mbron vendin e tij: Kosova është shtëpia ime ”.- do deklaronte Vojvoda para disa kohësh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
