Shqipëria dhe Kosova u bënë pjesë e vëndeve, eksportet e të cilave drejt SHBA-së do të tarifohen në masën 10%, sipas vendimit të administratës Trump të ditës së djeshme.
Sa i takon Shqipërisë duket se sektorët më të prekur në mënyrë të drejtëpërdrejtë janë ai i çelikut e gizës si edhe i bimëve medicinale.
Statistikat e INSTAT tregojnë se 32% e bimëve mjekësore dhe aromatike të prodhuara për eksport, shkojnë drejt SHBA, që referuar vitit 2024 kapin shifrën e 1.65 mld lekë, duke përbërë kështu 1.5% të eksporteve në vend.
Në vazhdën e sanksioneve të vendosura nga Trump mesnatën e djeshme vendi ynë preket dhe nga tarifa 25% e çelikut. Referuar shifrave të INSTAT në 2024-n, vendi jonë eksporoi përtej Oqeanit 2.95 mld lekë gizë dhe çelik, ku giza mban përqindjen më të madhe.
Vendimi i Trump duket se ka tronditur tregjet dhe liderët politikë në të gjithë botën. Presidentja e Komisionit Evropian, Ursula von der Leyen e quajti këtë akt një goditje të madhe për ekonominë globale dhe paralajmëroi se pasojat “do të jenë të rënda për miliona njerëz.”
A do të munden sanksionet e administratës Trump të ushtrojnë presion mbi çmimet në Evropë apo do të ketë një riorientim të tregut? Kjo mbetet për tu parë.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
