Kompania letoneze e fluturimeve Air Baltic tha se do të nisin vitin e ardhshëm linja të reja drejt Tiranës dhe Prishtinës. Air Baltic do të kryejë fluturimet nga Aeroporti Ndërkombëtar i Rigës drejt aeroporteve të Tiranës dhe Prishtinës dy herë në javë, me data të rezervuara, duke filluar nga maji 2024, tha kompania në një deklaratë për shtyp në faqen e saj të internetit.
Linjat e reja përputhen me qëllimin e kompanisë për të përmirësuar lidhjen me Evropën Juglindore, pas vlerësimit të kujdesshëm të situatës së tregut dhe kërkesës për pasagjerë, tha CEO i Air Baltic, Martin Gauss.
Gjithashtu të mërkurën, operatori i aeroportit bullgar të Sofjes, SOF Connect, tha se Air Baltic do të nisë fluturimet direkte sezonale që lidhin kryeqytetin bullgar me Rigën në maj.
Lexo: Shqipëria kryeson listën për rritjen e fluksit të fluturimeve
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
