Nga 13 janari, pezullohen fluturimet e kompanisë “Ernest”

Kush ka prenotuar fluturime me Ernest pas 13 janarit 2020, duhet të verifikojë opsionoin e tij të fluturimit. Kompanisë së fluturimit “Ernest” i është pezulluar licenca nga Autoriteti Italian i Aviacionit Civil (ENAC). Fakti është lajëmruar për dhëtarët nga Autoriteti i Aviacionit Civil (ACA). Pezullimi faktik, pra, ndalimi i të drejtës së fluturimeve do të nisë me 13 Janar 2020. Por, njoftimi parapraki pezullimit është bërë për t’I dhënë kohë kompanisë të informojë pasagjerët për anullimin e fluturimeve dhe të përmbushë një pjesë të fluturimeve, për të cilat janë shitur biletat.

Megjithatë, autoriteti Italian vëren se edhe pse licenca e kompanisë mbetet në fuqi deri më 13 janar 2020, “Ernest” nuk do mund të nxjerrë më bileta në shitje. Ndërkohë, ENAC vëren se lejimi i licencës deri në 13 Janar nuk rrezikon sigurinë në operim të kompanisë.

Gjatë kësaj kohe, nëse transportuesi siguron elementët e garancisë të kërkuara nga Rregullorja (KE) nr. 1008/2008, që përmban rregulla të përbashkëta për ofrimin e shërbimeve ajrore në Komunitetin Evropian dhe këto elementë vlerësohen në mënyrë të favorshme nga ENAC, masa e pezullimit mund të revokohet.

Autoriteti i Aviacionit Civil në Shqipëri u bën apel qytetarëve që mund të kenë prerë bileta me këtë kompani ajrore, që të konfirmojnë statusin e fluturimit të tyre me kompaninë ose agjencinë e biletës para ditës së fluturimit.

Në tregun vendas kompania e fluturimeve Ernest kishte më pak se 20% të tregut të fluturimeve zhvilluar këtë vit përmes aeroportit Nënë tereza.