Nëse e bëni këtë veprim të thjeshtë, mund ta rrisni vetëbesimin në mënyrë masive » Business Magazine Albania – Media Dixhitale dedikuar Sipërmarrjes
Përditësuar së fundmi: 02/09/2019

Nëse e bëni këtë veprim të thjeshtë, mund ta rrisni vetëbesimin në mënyrë masive

Share
nga Eridon Elshani
Sht 02, 2019
-Manages Business Mag Kosovo
lexo me teper >

Duke qenë një menaxher i të tjerëve për 30 vjet, nuk mendoj se ka ndonjë gjë më zhgënjyese sesa kur një punonjës e torturon veten me biseda negative të vazhdueshme. Është një tendencë e padëshiruar që shumë prej nesh e kanë; ne bëjmë një dialog dekurajues me veten, shpesh bazuar në një supozim të pasaktë se nuk jemi aq të mirë, bazuar në një zakon të keq që kemi për ta krahasuar veten me të tjerët.

Nga Scott Mautz, folës dhe autor

Krahasimet, natyrisht, janë të parëndësishme, sepse krahasimi i vetëm që ka rëndësi është se kush keni qenë dje dhe nëse sot jeni apo jo një version më i mirë i vetes.

Por përveç krahasimit, ekziston një faktor tjetër që nxit vetëvrasjen e vetëbesimit. Është kriticizmi.

Kështu që ju ofroj një mendim të thjeshtë. Gjashtë fjalë të fuqishme që do t’ju rrisin vetëbesimin.

Vendosni se kush mund t’ju kritikojë.

Shefi juaj, bashkëpunëtorët tuaj kryesorë, bashkëshorti juaj, sigurisht, ata mund t’ju kritikojnë.

Nuk po them që duhet të bëni shumë të vogël rrethin e njerëzve që lejoni t’ju kritikojnë. Thjesht po ju them që të jeni të vendosur se kush mund t’ju kritikojë sepse nuk duhet t’i lejoni të kenë ndikim te ju njerëzit që nuk duhet ta kenë atë të drejtë.

Sipas studimeve, njerëzit kanë katër herë më shumë mundësi të mbajnë mend kritikat sesa lavdërimet.

A i shihni ata që i lejoni për t’ju kritikuar si kritikë që kanë qëllime të mira, që duan t’ju ndihmojnë të bëheni versioni më i mirë i vetes?

Unë mendoj se Eleanor Roosevelt kishte të drejtë kur tha: “Askush nuk mund t’ju bëjë të ndjeheni inferiorë pa lejen tuaj”.

Dhe për sa u përket njerëzve që vazhdojnë tju bëjnë kritika të padobishme dhe të padëshiruara, për ata dua ta theksoj thënien e Tim Cook të Apple, “Ne nuk ú ndërtojmë përmendore kritikëve”.

Prandaj kërkoni përmirësim, jo ​​aprovim. Gjatë rrugës, vendosni kritere për ata që mund t’ju kritikojnë dhe injoroni të gjithë të tjerët. Në fund të fundit, mënyra e vetme për ta shmangur kriticimin është të mos bësh asgjë, të mos thuash asgjë dhe të mos jesh askushi.

INC