“Neandertal” është një fyerje që ende bëhet për të sugjeruar se dikush është jo mendjemprehtë, por megjithatë, sa më shumë mësojmë për kushërinjtë tanë të epokës së gurit, aq më shumë duket se e kundërta është e vërtetë.
Neandertalët nuk ishin banorë të egër të shpellave, ata bënin mjete dhe art të sofistikuar dhe i varrosnin të vdekurit e tyre me kujdes.
Një zbulim i ri në një shpellë siberiane këtë javë zbulon një panoramë të jetës familjare të Neandertalit dhe tregon se mund të jetë koha që Homo sapiens të heqë një herë e përgjithmonë këtë kompleks superioriteti. Shkencëtarët kanë zbuluar grupin më të vjetër familjar të njohur, duke përdorur ADN-në e lashtë nga Neandertalët që jetonin në shpellën Chagyrskaya në Siberinë jugore në Rusi.
Kampi i gjuetisë buzë lumit rreth 54,000 vjet më parë ishte shtëpia e një komuniteti të ngushtë prej rreth 20 neandertalësh, duke përfshirë një baba dhe vajzën e tij adoleshente, një mashkull të ri që mund të kishte qenë nip ose kushëri dhe një femër e rritur që ishte një e afërme.
Lexo: Në ndihmë personave me aftësi të kufizuara, Bashkia e Tiranës nis punën për vendosjen e sinjaleve zanore tek semaforët
Studiuesit zbuluan gjithashtu një model të papritur të migrimit të femrave, teksa shpjegimi më i mundshëm për këtë ishte se shumica e Neandertaleve femra në grupin e vogël Chagyrskaya kishin ardhur nga një komunitet tjetër, ndoshta për t’u bashkuar me familjen e bashkëshortit të tyre./ CNN
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
