Në moshën 100 vjeçare, miliarderi më i vjetër në botë nuk pranon të shijojë pasuritë e karrierës së tij prej tetë dekadash.
Për Chang Yun Chung, themeluesin e Pacific International Lines, të qëndrosh në shtëpi nuk është një opsion. Edhe pse rolin e drejtuesit të kompanisë ja ka deleguar djalit të tij, Teo Siong Seng, ai këmbëngul të shkojë çdo ditë në zyrë.
“Çdo ditë unë shënoj të gjitha aktivitetet e mia të përditshme, çdo gjë,” thotë Chang. “Çdo departament konsultohet me mua.”
Si kryetar i dalë në pension i PIL , Chang tha se e viziton çdo ditë selinë e kompanisë në Singapor për të ndjekur aktivitetin e saj dhe për të kontrolluar çdo departament.
Kjo veprimtari, e bën atë të mbajë mendjen e tij aktive dhe të jetë në djeni me gjithçka ndodh në kompaninë të cilën ai e themeloi në vitin 1967 me dy anije të përdorura.
“Nuk mund të rri në shtëpi. Ndryshe do të mërzitem shumë.” – Chang Yun Chung
Por rutina është vetëm një pjesë e saj. Chang gjithashtu po mentoron Teon, djalin e tij, ndërsa ai merr përgjegjësi më të madhe për atë që është një nga 20 kompanitë më të mira të transportit në botë me 18,000 të punësuar.
Teo thotë se konsultohet me babanë e tij dy herë në ditë për të fituar njohuritë e tij dhe për të mësuar më shumë për stilin e tij të udhëheqjes.
/CNBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
