Ndërsa disa adhurues të jetës së natës preferojnë klube të vogla dhe me atmosferë të ngrohtë, të tjerë zgjedhin mega-spotet e botës për të festuar mbrëmjet e tyre. Nuk ka vend më të njohur për këtë sesa Ibiza, e cila vazhdon të mbetet destinacioni kryesor për ata që kërkojnë festë dhe argëtim.
Ishulli spanjoll është shtëpia e Hï Ibiza, e cila është shpallur klubi më i mirë i natës në botë nga revista DJ këtë vit. Tani, Ibiza do të kthehet në shtëpinë e klubit më të madh të natës në botë, pasi superclub Privilege, i mbyllur në vitin 2020, po përgatitet për një rihapje spektakolare.
Privilege, i themeluar në fillim të viteve ’70, ka mbajtur ngjarje të paharrueshme për ikona të muzikës si Kylie Minogue, Madonna, David Bowie dhe Tina Turner.
Lexo edhe: “Elia” fiton lejen mjedisore për ishullin e parë të energjisë artificiale në botë
Madje, klubi ka qenë gjithashtu vendi i xhirimeve të një videoklipi të Queen për këngën ‘Barcelona’ me Montserrat Caballe. Pas ndryshimeve të pronësisë dhe riemërtimeve, klubi është bërë i njohur si Privilege në vitin 1995.
Qeveria spanjolle ka investuar 8 milionë euro në restaurimin e klubit, që tani ofron një hapësirë prej 6,500 metrash katrorë dhe një kapacitet mbresëlënës prej 15,000 personash. Ndërsa data e saktë e rihapjes ende nuk është e qartë, pritet që kjo hapësirë e madhe të mirëpresë festuesit ndoshta që në vitin 2025.
Për ata që mezi presin të festojnë në Privilege, mbani nën kontroll lajmet dhe zbuloni disa nga aktivitetet fantastike që mund të bëni në Ibiza ndërkohë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
