Përgjatë vitit të fundit, GIZ në bashkëpunim me Ministrinë e Turizmit dhe Mjedisit ka ndërmarrë një sërë iniciativash me synim krijimin e modelit të fshatit turistik shqiptar. Projekti novator NëFshat2 ka si synim përfshirjen e të rinjve në zhvillimin e praktikave të punës nëpër fshatra, me qëllim dhënien e kontributit të tyre me ide në krijimin e modeleve të fshatrave turistikë shqiptarë.
Një nga 4 fshatrat si pjesë e modelit pilot është Zogaj, ku në tetor të vitit 2023, në koordinim me Bashkinë Shkodër, 6 studentë me profile të ndryshme nën udhëheqjen e mentorit të tyre, jetuan dhe punuan së bashku me banorët e fshatit Zogaj me qëllim për të krijuar produkte të reja turistike që synojnë përmirësimin e kushteve të punës dhe jetës në fshat, rritjen e konkurrueshmërisë së bizneseve dhe hapjen e mundësive të reja për financime të tjera në fshat.
Lexo edhe:Aplikacioni i terapisë së artit, Scribble Journey, ju lejon të shprehni emocionet përmes shkrepjeve
Me datë 12 korrik në ora 10:30, ju presim në Zogaj për të mësuar më shumë rreth projektit në fjalë, për tu njoftuar me produktet turistike të fshatit dhe diskutim të hapur mbi mundësitë e tjera për zhvillim në fshat.
Për më shumë detaje, gjeni bashkangjitur axhendën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
