Çmimet e konsumit në SHBA u rritën më tej në nëntor pasi kostoja e mallrave dhe shërbimeve u rrit gjerësisht pas kufizimit të ofertës. Kjo çoi në rritjen më të madhe vjetore që nga qershori 1982, gjë që mund të inkurajojë Rezervën Federale të mbyllë shpejt blerjet e bonove.
Indeksi i çmimeve të konsumit u rrit 0.8% muajin e kaluar pas rritjes 0.9% në tetor, tha të premten Departamenti i Punës. Në 12 muajt deri në nëntor, CPI (Indeksi i çmimeve të konsumit) u përshpejtua me 6.8%, siç pritej nga ekonomistët e anketuar nga Reuters, pas një avancimi prej 6.2% në tetor.
Rusell Price, shef ekonomik në Ameriprise Financial Service në lidhje me këto norma shprehet se tashmë nuk ka asnjë dyshim që Rezerva Federale duhet të ndërhyjë në treg.
“Raporti i sotëm i inflacionit konfirmon atë që shumica e amerikanëve tashmë e dinë dhe kjo është se çmimet në një numër të komponentëve janë rritur me normat më të mëdha që kemi parë në dekada. Nuk ka ndonjë surprizë të madhe. Shumica e këtyre të dhënave priteshin.
“Rezerva Federale është e vendosur të përshpejtojë uljen dhe kjo do të thotë se ato do të përfundojnë në mars dhe ka të ngjarë të fillojnë të rrisin normat në atë pikë. Përsëri, pjesa më e madhe e tyre është tashmë me çmim në treg, dhe Rezerva Federale është prapa kurbës dhe ata duhet të arrijnë. Ata do të fillojnë ta bëjnë këtë në takimin e javës së ardhshme.
“Reagimi pozitiv i tregut është interesant në atë që këto të dhëna sugjerojnë se Fed do të duhet të shtrëngojë politikën monetare në mënyrë më agresive sesa vetëm disa muaj më parë, dhe pranimi i kësaj nga tregu është pak befasues për mua.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
