Në 2021 teknologjia udhëhoqi rritjen e bizneseve të reja, Boshnjaku: “E ardhmja drejt automatizimit” - Business Magazine Albania

Në 2021 teknologjia udhëhoqi rritjen e bizneseve të reja, Boshnjaku: “E ardhmja drejt automatizimit”

Pandemia përveç se ndryshoi zakonet e të përditshmes ndikoi edhe në mënyrën e të bërit biznes.

Konsumatorët iu drejtuan teknologjisë dhe shërbimeve online për të plotësuar nevojat e tyre dhe zëvendësuar praninë fizike në dyqane. Kjo tendencë konfirmohet edhe nga shifrat e INSTAT, ku shihet se në 2021 më shumë biznese u hapën në fushën e Teknologjisë së Informacionit ndjekur nga shëndetësia, hotelet dhe më pas ndërtimi.

Alfons Mala është një sipërmarrës i hershëm në fushën e teknologjisë. Ai shprehet se ky sektor ofron të ardhura më të mëdha se bizneset e tjera

 “Nevoja erdhi për arsye se ishte e vështirë për të gjetur një punë me rrogë të mirë. Kërkesa online ishte e mirë dhe kishte të ardhura. Me kalimin e kohës filluam të krijonim databazën tonë me klientët dhe ata të na besonin më shumë. Me vitin e pandemisë, mund të them morëm një shtysë të madhe, pasi u fokusuan të gjithë tek shitjet online”, tha Mala.

Lexo edhe: Eksperimentimi dhe realiteti virtual do të bëjnë ‘revolucion’ në të ardhmen e arsimit

Ekspertët tregojnë edhe avantazhet që ofron teknologjia në mënyrën e të bërit biznes, ndërsa tregojnë se ku po orientohet e ardhmja

“Unë besoj që ka një lëvizje që nga viti 2012-2013, që ka ecur në mënyrë graduale për kalimin e bizneseve në epokën digjitale. Opsioni online ka disa benefite më shumë se dyqani fizik, një është konvenienca, dy është shpejtësia dhe tre fakti që mund të blesh në çdo kohë.  Unë besoj që pjesa kryesore ku do zhvillohet teknologjia në të ardhmen përveç e-commerce-t do të jetë automatizimi, procese ku të shmangësh sa më shumë punën e individit dhe pjesa tjetër mendoj se do jetë teknologjia në edukim” , tha Gerti Boshnjaku, sipërmarrës i platformave të start-upeve dhe themelues biznesi në fushën e teknologjisë.

Pavarësisht rritjes së konsiderueshme në teknologji, Shqipëria në strukturën e saj të ekonomisë vijon të dominohet nga  bizneset në tregti dhe shërbime, që përbëjnë më shumë se gjysmën e bizneseve në vend./Top Channel 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0