Ministria e Zhvillimit Ekonomik, Turizmit, Tregtisë dhe Sipërmarrjes po zbaton një projekt pilot në kuadër të “I4TOUR – zhvillimi territorial për turizmin e qëndrueshëm, ndërmarrjet krijuese, zhvillimi rural dhe punësimi i të rinjve” i financuar nga ADISA (Programi i Konvertimit të Borxhit për Zhvillim) për trajnimin e të rinjve për punësim në zyrat e informacionit në Vlorë, Llogara, Dhërmi.
Projekti I4Tour është një projekt pilot në fushën e turizmit, i cili po kontribon vazhdimmisht në sektorin e turizmit duke filluar që nga promovimi i turizmit të qëndrueshëm, zhvillimi rural, mbështetja me grante për startupe dhe gjithashtu një rëndësi të veçantë po i jepet punësimit të të rinjve në zonën Vlorë-Llogara dhe Dhërmi.
Nëpërmjet këtij trajnimi, krijohet mundësia më e mirë për të punuar dhe zhvilluar aftësitë e të rinjve në fushën e turizmit në qarkun e Vlorës, duke i mundësuar të rinjve informacion të detajuar dhe të njësuar në sektorët kyç të turizmit.
Ky trajnim do t’i mundësojë të gjithë pjesëmarrësve pajisjen me certifikata dhe krijimin e një databaze me të dhënat e të trajnuarve ku 9 prej të cilëve do të zgjidhen për t’u punësuar në zyrat e informacionit dhe pjesa tjeter do të regjistrohet në databazën e bashkive përkatëse si guida turistike të çertifikuara të cilët do të mund të punësohen në vijim. Të rinjtë që duan të bëhen pjesë e këtij projekti kanë afat për të aplikuar deri në datën 20 Prill.
Burimi: ata.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English