MoneyCoach edhe në Android


Aplikacioni MoneyCoach, i themeluar nga shqiptarë, me bazë në Gjermani, ka zhvilluar përditësime, që përfshijnë funksionalitetin për t’u lidhur me bankat gjermane dhe austriake për vizualizimin e të dhënave direkt në aplikacion.

Ky është një funksionalitet i fuqishëm për të gjithë userat që janë mësuar të paguajnë me kartë krediti apo që kryejnë transaksione nga llogaritë e tyre financiare. Meqenëse userat kanë të gjithë historinë e tyre bankare në aplikacion, ata mund të përfitojnë nga raportet e shumta që ndodhen në MoneyCoach.

Perjan Duro, themelues i aplikacionit thotë pëer Businessmag.al se, “Lehtësisht përdoruesit mund të shikojnë se ku kanë shpenzuar më shumë para me anë të grafikëve të shumtë, mund të krijojnë buxhete për të “kufizuar” shpenzimet e tyre, mund të krijojnë objektiva inteligjente, të cilat mund t’i ndihmojnë për të kursyer më shumë para dhe shumë funksionalitete të tjera”.

Lexo: MoneyCoach, aplikacioni i të riut shqiptar që listohet në krye të Apps nga Apple 

Kompania MoneyCoach ka lançuar gjithashtu aplikacionin e saj për përdoruesit e telefonave Android.

Në MoneyCoach Blitz ju mund të:

* Shtoni të gjitha llogaritë tuaja

* Kontrolloni vlerën tuaj neto

* Shtoni të ardhurat dhe kostot fikse

* Shtoni lehtësisht të gjitha të ardhurat dhe shpenzimet

* Transferoni paratë midis llogarive tuaja

* Fshi, modifiko, ose krijoni kategoritë tuaja dhe nënkategoritë

* Kontrollo buxhetin e mbetur për periudhën aktuale

* Kontrollo se ku ke shpenzuar më shumë para në kartën e kategorive më të përdorura

 

MoneyCoach mund të shkarkohet në App Store dhe në Android

 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale