Modelet më të mira të suksesit, në nr 18 të Revistës së Businessmag.al


Me një përvojë mbi 25 vjeçare në biznes, Vasil Naçi tashmë nuk është vetëm ndër pak sipërmarrësit më të suksesshëm në vend. Prej vitesh ai po ndjek modelet më të mira të zhvillimit të biznesit, forcimit të kapitalit njerëzor në kompani, e së fundi edhe Motivimin në masë për sukses.

Businessmag ka zhvilluar një intervistë me të në prag të eventit “Rruga drejt Suksesit”, duke u ndalur jo vetëm tek eventi por edhe tek historia e jetuar e tij në biznes.

Numrin 18 të kësaj reviste, Businessmag.al sjell histori të ndryshme suksesi që po shënohen nga shqiptarët brenda dhe jashtë vendit, por edhe detaje pikante të eventeve të biznesit, zhvilluar këtë vjeshtë në Tiranë.

Suksesi nuk është rastësi dhe as rezultat i rrugëtimeve të padrejta. Një prej sipërmarrësve që na frymëzon për këtë është Flamur Hoxha. Prej fillimit të viteve ’90 në biznes, Hoxha është sipërmarrësi që arriti të sigurojë rritje të qëndrueshme në biznes për vite të tëra dhe në fund ishte aty, i fuqishëm aq sa për të blerë kompaninë italiane për të cilën punoi për vite të tëra. Ai jo vetëm shpëtoi aktivitetin e ngritur në Itali, por e mban sipërmarrësin italian si pjesë të skuadrës Kler Italia.

Një intervistë e zhvilluar me Administratorin e Mon Cheri, tregon se edhe nga Tirana është e mundur të ngrihet një rrjet për shërbimin e kafes që mund të marrë përmasa ndërkombëtare.

Ekspertët e marketingut dixhital dhe kushdo që do të promovojë biznesin e tij në këtë drejtim, nuk duhet të humbasë mesazhet kryesore të 13 folësve në Konferencën e AllWeb zhvilluar në Tiranë gjatë muajit Tetor. “Fillo tani, fillo thjeshtë”, ishte një prej shumë mesazheve.

Përmes këtij numri mund të merrni shumë mesazhe të vlefshme për ju, duke lexuar artikuj apo ndjekur intervistat video të Businessmag.

Festivali i Inovacionit ishte një tjetër risi e kësaj vjeshte. Sipërmarrës të rinj e të “vjetër” u bënë bashkë. Të parët për të pasqyruar idetë e tyre novatore, të dytët me potencial për të zhvilluar e madje financuar këto ide.

Shkarko këtu nr 18 të revistës

Por, në zhvillimin e biznesit, gjendjen sociale të çdo familje e madje gjendjen ekonomike të shoqërisë, komunikimi efektiv është i rëndësisishëm. Ne kemi mangësi në këtë drejtim dhe është parë në disa vendime të marra nga institucionet publike, si bërja e rrugës së kombit me pagesë, edhe mbyllja e transmetimit analog.

Në këtë numër do të mësoni gjithashtu mbi pasionin e kthyer në biznes të Anxhela Çikopanos, të cilin e ka quajtur Akjuna. Reçelnat e saj mund t’i blini edhe për dhuratë, të shoqëruara me spjegime në shqip dhe anglisht.

Të gjithëve na intereson të jemi më produktivë dhe një nga artikujt e revistës ju sjell dhjetë rregulla për këtë. Emojit, të cilat i përdorni çdo ditë në rrjetet sociale, shikoni si kuptohen dhe si mund të lexohen në kultura të ndryshme.

Këto dhe shumë të tjera në nr 18 të Revistës së Businessmag, të ardhur kësaj radhe me një format të ri. Shkarkojeni revistën në kompjuter  apo telefon dhe frymëzohuni në kohën tuaj të lirë!

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale