Mjekët amerikanë po e trajtojnë një pacient me virusin Corona përmes një roboti
Përditësuar së fundmi: 28/01/2020

Mjekët amerikanë po e trajtojnë pacientin me virusin Corona përmes një roboti

Share
nga Eridon Elshani
Jan 28, 2020
-Manages Business Mag Kosovo
lexo me teper >

Mjekët amerikanë janë duke marrë masa paraprake shtesë ndërsa po i monitorojnë dhe trajtojnë pacientët me virusin Corona, që u shfaq në Kinë muajin e kaluar.

Për të parandaluar përhapjen e virusit korona brenda dhe përtej spitalit, stafi në Qendrën Mjekësore Rajonale Providence në Everett, Washington është duke u mbështetur në një robot që mund të masë organet vitale të pacientit dhe të veprojë si një platformë për video-konferencë, sipas CNN.

Roboti është diçka më shumë se një platformë në rrota dhe me një ekran të integruar. Infermierët ende duhet të hyjnë në dhomë për të ripozicionuar aparatin e tij, megjithëse ka një stetoskop, si një mjek i vërtetë. Në të njëjtën kohë, teknologjia ilustron shkallën në të cilën zyrtarët mjekësorë po përpiqen të izolojnë rastet e virusit corona dhe të frenojnë një shpërthim potencialisht shkatërrues.

“Kjo është arsyeja pse ne kemi krijuar protokolle që do të na lejojnë t’i trajtojmë pacientët me sëmundje infektive në një mënyrë që t’i izolojmë ata pa përhapur virusin tek dikush tjetër”, tha George Diaz, shefi i sektorit të sëmundjes infektive të spitalit, për CNN.

Futurism