Mit apo realitet: Çokollata dhe ndikimi i saj në lëkurën tuaj!

Çokollata është konsideruar prej kohësh një shkaktar i mundshëm i akneve, krahas ëmbëlsirave të tjera. Por, duket se reputacioni i keq mund të jetë i pamerituar.

Çokollata ka pasur prej kohësh një reputacion për shkaktimin e njollave. A ka ndonjë të vërtetë në të? Apo, është diçka që prindërit u thonë fëmijëve të tyre që të shmangin ushqimet e ëmbla në supermarket?

Në vitet 1960, disa studime analizuan marrëdhënien midis çokollatës dhe akneve. Studimi më i madh, i cili përfshiu vetëm 65 pjesëmarrës, nuk gjeti asnjë lidhje mes të dyve. Por, ky studim ka pasuar me kritika.

Studimet më të fundit sugjerojnë se në fakt mund të ketë shumë lidhje midis dietës dhe akneve, veçanërisht dietës perëndimore, e cila është e lartë në yndyrna të ngopura, sheqer dhe qumësht.

Aknet janë një gjendje e zakonshme e lëkurës ku folikulat e qimeve në lëkurë bllokohen nga vaji dhe qelizat e vdekura të lëkurës, gjë që shkakton formimin e njollave. Aknet e rënda, ose të vazhdueshme nga adoleshenca dhe mosha e rritur shkaktohen kryesisht nga gjenetika, thotë Beibei Du-Harpur, dermatologe. Kjo ndodh sepse gjenet përcaktojnë madhësinë e gjëndrave dhjamore të lëkurës sonë, të cilat prodhojnë vaj.

Rastet e akneve tek të rriturit kanë qenë në rritje vitet e fundit, veçanërisht te femrat, por nuk ka asnjë arsye të vetme për këtë, thotë Du-Harpur. Por, shton ajo, ka disa faktorë mjedisorë në jetën tonë të përditshme që mund të luajnë një rol.

Në një studim, studiuesit argumentojnë se aknet përkeqësohen nga mënyrat e jetesës moderne, duke përfshirë një dietë perëndimore të pasur me sheqer dhe yndyrë, por shtuan se ndërveprimi midis shëndetit, funksionit imunitar, dietës, inflamacionit, stresit dhe ekspozimeve mjedisore ka nevojë për më shumë kërkime.

Shkaktarë të tillë mund të përfshijnë stresin, luftimin e infeksioneve, ose të pasurit PMS, thotë Zainab Laftah, dermatologe.

A mund të shkaktojë çokollata akne?

Gjashtëdhjetë vjet pasi u fajësuan për herë të parë për shkaktimin e akneve, shumë njerëz ende e konsiderojnë çokollatën si një shkaktar të mundshëm. Rreth 9 në çdo 10 pacientë që Laftah sheh në klinikën e saj e pyesin atë se çfarë ushqimesh mund të heqin nga dieta e tyre për të përmirësuar aknet dhe çokollata është një nga ushqimet më të zakonshme për të cilën ata e pyesin.

“Ndonëse ka një keqkuptim, ka edhe diçka të vërtetë në këtë,” deklaron ajo.

Një arsye për një lidhje midis akneve dhe dietës në përgjithësi mund të zbresë në indeksin glicemik të ushqimeve. Ndërsa faktori kryesor është predispozita gjenetike, disa komponentë në dietën e një personi mund të provokojnë inflamacion, thotë Laftah. Disa persona do të reagojnë ndjeshëm ndaj disa grupeve ushqimore, si qumështi, shpjegon ajo, megjithatë kjo është e rrallë dhe shpesh është rezultat i një intolerance.

Disa studiues janë përpjekur të zbulojnë efektet e përbërësve individualë të çokollatës për të parë se cilët përbërës mund të lidhen me aknet, por studimet nuk janë përfundimtare dhe janë relativisht të vogla. Një studim në vitin 2011 ekzaminoi efektet e 100% të çokollatës së zezë në akne, që do të thotë se testoi efektet e çokollatës pavarësisht nga përmbajtja e saj e sheqerit. Ata zbuluan se konsumi i çokollatës ishte ende i lidhur me aknet e përkeqësuara, por studimi përfshiu vetëm 10 pjesëmarrës.

Një arsye për një lidhje midis akneve dhe dietës në përgjithësi mund të zbresë në indeksin glicemik të ushqimeve (GI), i cili tregon se sa shpejt një ushqim mund të rrisë nivelet e sheqerit në gjak në trup. Studime të shumta kanë gjetur një lidhje midis ushqimeve me GI të lartë, si frutat, buka, makaronat dhe simptomave të akneve. Arsyeja që ushqimet me GI të lartë mund të përkeqësojnë aknet, thotë Laftah, është sepse ato shkaktojnë një rritje të niveleve të insulinës në trup, gjë që nxit inflamacionin, i cili rrit prodhimin e sebumit në lëkurë, i cili më pas mund të bllokojë poret tona dhe të çojë në shpërthime. Megjithatë, çokollata në fakt ka një GI të ulët deri në mesatare.

Lexo edhe: Shkenca thotë se njerëzit me këtë lloj truri janë më të zgjuar, më të përqendruar dhe më inovativë

Një grup tjetër kërkimi ka parë më gjerësisht marrëdhënien midis akneve dhe dietës perëndimore, e cila dihet gjithashtu se është e mbushur me ushqime me GI të lartë. Studime të shumta të popullsisë tregojnë një lidhje midis akneve dhe ngrënies së ushqimeve me yndyrë dhe me sheqer të lartë. Studimi më i madh i këtij lloji, i botuar në vitin 2020, krahasoi aknet e vetëvlerësuara dhe modelet dietike të më shumë se 24,000 njerëzve. Studiuesit identifikuan se dieta perëndimore ndoshta luan një rol në aknet.

Pra, vetë çokollata nuk shkakton akne?

Çokollata përmban shumë yndyra të ngopura dhe mund të përmbajë shumë sheqer. Megjithatë, efektet e mundshme të kësaj varen jo vetëm nga dieta e përgjithshme, por gjithashtu nga lloji i çokollatës që konsuohet, duke pasur parasysh se çokollata e zezë ka përmbajtje më të ulët sheqeri.

Gjithashtu, mund të ketë disa avantazhe dermatologjike për çokollatën e zezë. Disa studime tregojnë se çokollata e zezë redukton stresin oksidativ në lëkurë, gjë që kontribuon në inflamacion. Megjithatë, kjo mund të jetë më shumë një përfitim për shenjat e dukshme të plakjes së lëkurës, sesa zvogëlimi i ashpërsisë, ose rrezikut të akneve.

“Ka disa përfitime për lëkurën nga ngrënia e çokollatës së zezë për shkak të përmbajtjes së flavonoid,” thotë Laftah, veçanërisht flavanolet, të cilat janë një antioksidant i fuqishëm që luajnë një rol vendimtar në radikalet e lira të shkaktuara nga stresi oksidativ i lëkurës, i cili është i lidhur me plakjen e lëkurës”.

Në mënyrë thelbësore, ndërsa disa modele diete, kalori të larta, lëndë ushqyese të ulëta, ndoshta do të kontribuojnë në inflamacion të shkallës së ulët në të gjithë trupin, kjo mund të shfaqet si puçër në fytyrë vetëm tek dikush që tashmë është gjenetikisht i prirur ndaj tij, thotë Du-Harpur.

Në përgjithësi, një dietë që është e mirë për shëndetin e përgjithshëm, e pasur me fruta, perime dhe ushqime të tjera të pasura me antioksidantë, është e mirë për lëkurën, thotë ajo.

“Trupi punon në koordinim, kështu që gjërat që janë të mira për zemrën, zorrët dhe trurin janë të mira edhe për lëkurën,” thotë Du-Harpur.

bbc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Shëndet
Përditësuar më: 23/09/2024	394		admin