Nga Fatima Gorezi – Rreth 25 vite më parë, kur reklama në Shqipëri ishte ende një fushë e panjohur dhe bizneset nuk e shihnin promovimin si një domosdoshmëri, Mirel Salija vendosi të ndërmerrte një rrugëtim ndryshe. Me vizion dhe guxim, ai themeloi ‘Univers Reklama’, duke i hapur rrugë një industrie që në atë kohë ishte ende në hapat e parë.
Gjatë këtyre viteve, ‘Univers Reklama’ ka qenë ndër sipërmarrjet kyçe që e kanë transformuar reklamën nga forma më bazike e komunikimit vizual në një sektor të strukturuar e modern, të integruar me teknologjinë dhe standardet ndërkombëtare. Sot, ‘Univers Reklama’ është dëshmi e asaj se si një ide e nisur me bindjen dhe intuitën e fortë se “ky sektor është domosdoshmëri e së ardhmes ” mund të shndërrohet në një histori suksesi, duke ndihmuar bizneset shqiptare të krijojnë identitetin e tyre dhe të komunikojnë më qartë me klientët.
Ju u bëtë pjesë e industrisë së reklamave nën logon e ‘Univers Reklama’ rreth 25 vite më parë, një kohë kur në vendin tonë koncepti mbi reklamën thuajse nuk ekzistonte dhe tregu ishte relativisht i brishtë. Nëse bëjmë një retrospektivë, si ka ndryshuar industria e reklamës në Shqipëri gjatë këtyre 25 viteve? Cilat janë sfidat kryesore që keni hasur gjatë këtij rrugëtimi?
Në atë kohë, reklamimi nuk ishte një nevojë e domosdoshme për bizneset e sapokrijuara. Mungesa e konkurrencës dhe natyra e tregut, ku çdo iniciativë gëzonte hapësirë për të lulëzuar, bënte që promovimi të mos shihej si prioritet. Megjithatë, unë kuptova se reklamimi ishte i domosdoshëm, edhe në një treg që po hidhte hapat e parë. Nisma ime për të zhvilluar këtë sektor rezultoi e suksesshme, duke ndihmuar bizneset të krijonin identitetin e tyre dhe të komunikonin më qartë me klientët.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
