Ministrja Denaj prezanton para donatorëve “Strategjinë e Zhvillimit të Biznesit dhe Investimeve” - Business Magazine Albania

Ministrja Denaj prezanton para donatorëve “Strategjinë e Zhvillimit të Biznesit dhe Investimeve”

Ministrja e Financave dhe Ekonomisë, Anila Denaj, prezantoi  gjatë një takimi online me donatorët,  Strategjinë e Zhvillimit të Biznesit dhe Investimeve dhe Planin e Veprimit 2021 – 2027 (BIDS).

Ky ishte takimi i parë në kuadër të konsultimit publik, ku Ministrja, krahas informimit, falenderoi donatorët për mbështetjen e vazhdueshme.

Në fjalën e saj, Ministrja Denaj vlerësoi se Shqipëria përballoi  shumë mirë situatën e pandemisë dhe synon një rimëkëmbje të plotë të të gjithë sektorëve të ekonomisë, që po përballet me një sfidë të dyfishtë, si transformimi digjital dhe bashkëpunimi rajonal dhe ndërkombëtar.

Kjo strategji,  e përgatitur tashmë nga ekspertë të MFE-së, është në përputhje me strategjitë dhe programet kryesore në nivelin kombëtar dhe ndërkombëtar, tha Ministrja, do të jetë transparente dhe efektive për të mbështetur bizneset dhe investitorët.

Sipas Denaj, BIDS është e orientuar sipas politikave të Qeverisë Shqiptare për zhvillimin ekonomik afatmesëm duke u përqëndruar në NVM-të dhe investimet, cka do ta bëjë që ekonomia shqiptare të jetë konkurruese, më e drejtuar nga inovacioni dhe e bazuar në dije.

Ministrja  gjatë këtij prezantimi renditi tre fushat e ndërhyrjes dhe qëllimet e politikës:

  1. Tërheqja dhe ndërkombëtarizimi i investimeve “Zhbllokoni plotësisht potencialet e investimeve për zhvillimin ekonomik dhe nxitjen e integrimit në tregjet ndërkombëtare dhe zinxhirët e vlerës”.

Veprimet kryesore prioritare janë:

  1. a) Promovimi sistematik i investimeve të synuara
  2. b) Programi i strukturuar i kujdesit pasues
  3. c) Vlerësimi dhe reforma e programit TEDA
  4. d) Programi i zhvillimit të furnitorit
  5. e) Strategjia e eksportit
  6. f) Nisma për zhvillimin e biznesit elektronik

2. Zhvillimi i NVM-ve, sipërmarrja dhe inovacioni “Zhvillimi i një ekosistemi dinamik dhe të qëndrueshëm për sipërmarrjen dhe inovacionin”

Veprimet kryesore prioritare janë:

  1. a) Skema e mbështetjes së sipërmarrjes së bazuar në konkurrencë
  2. b) Forcimi i ekosistemit fillestar
  3. c) Integrimi ndërkombëtar i ekosistemit fillestar
  4. d) Nisma për ngritjen e zinxhirit të vlerës së bazuar në konkurrencë
  5. e) Rritja e aksesit për financimin e NVM-ve
  6. f) Programi i aftësive të ndërmarrjeve për NVM-të

3. Zhvillimi i kapitalit njerëzor, “Eksploroni mënyra të reja për të nxitur zhvillimin bashkëpunues të kapitalit njerëzor”

Veprimet kryesore prioritare janë:

  1. a) Skema e mbështetjes për zhvillimin bashkëpunues të kapitalit njerëzor
  2. b) Programi i zhvillimit të forcës së punës për dhe me NVM-të dhe investitorët
  3. c) Sistemi i parashikimit të nevojave të aftësive
  4. d) Vlerësime të rregullta të nevojave për trajnim

Drafti i Strategjisë është produkt i konsultimeve intensive me aktorët kryesorë të interesit dhe ekspertët, ku tetë takime të grupeve tematike të punës janë mbajtur midis shtatorit dhe nëntorit 2020.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0