Ministria e Bujqësisë në Kosovë hap aplikimet për grante në bujqësi » Business Magazine Albania – Media Dixhitale dedikuar Sipërmarrjes
Përditësuar së fundmi: 22/05/2019

Ministria e Bujqësisë në Kosovë hap aplikimet për grante në bujqësi

Share
nga Eridon Elshani
Maj 22, 2019
-Manages Business Mag Kosovo -Studies Philosophy at University of Prishtina
lexo me teper >

Ministria e Bujqësisë, Pylltarisë dhe Zhvillimit Rural, ka hapur aplikimet për disa nga masat mbështetëse per këtë vit, përmes granteve të investimit për fermerët në gjithë territorin e Kosovës. Buxheti një total për zhvillimin rural do të jetë 20.5 milionë euro.

Thirrjet për aplikim janë hapur për masën 101, përmes së cilës përkrahen investimet në asetet fizike në ekonomitë bujqësore, për masën 103 përmes së cilës përkrahen investimet në asetet fizike në përpunimin dhe tregtimin e prodhimeve bujqësore, për masën 302 përmes së cilës përkrahen investimet në diversifikimin e fermave dhe zhvillimin e bizneseve.

Pjesë e mbështetjes është edhe ujitja e tokave bujqësore, po ashtu edhe investimet në përgatitjen dhe zbatimin e strategjive të zhvillimit lokal.

Gjatë periudhës për aplikim, 22 maj deri ne  01 korrik 2019, fermerët dhe agrobizneset mund të aplikojnë për të përfituar, pas dorëzimit të dokumentacionit, të kërkuar.

Për procedurat e aplikimit dhe dokumentacionin e nevojshëm, fermerët dhe agrobizneset do të mund t’i gjejnë informacionet në uebfaqen e Agjencisë për Zhvillimin e Bujqësisë www.azhb-ks.net dhe në uebfaqen e Ministrisë së Bujqësisë Pylltarisë dhe Zhvillimit Rural.Po ashtu, mund të informohen edhe në Zyrat Rajonale të AZhB-së.

AZhB