Pasi mbajti një fjalim në kolegjin Morehouse të Gjeorgjisë, miliarderi amerikan njoftoi se do të paguaj kreditë studentore të klasës së 2019-ës.
Robert F. Smith, një filantrop dhe investitor i teknologjisë, i cili është CEO dhe kryetar i partnerëve të Vista Equity, i tha grupit 400 anëtarësh të 2019-ës se ai do të krijojë një grant për të liruar të diplomuarit nga ‘borxhi studentor’. “Familja ime do të krijojë një grant për të eliminuar kreditë studentore”, tha Smith. Ai është aktualisht i renditur si personi i 355-të më i pasur në botë nga Forbes.
Televizioni 11Alive News i Gjeorgjisë raportoi se ky grant kap vlerën e 40 milionë dollarëve. Smith gjithashtu i premtoi edhe shkollës 1.5 milionë dollarë. Si shenjë falënderimi nga kolegji Morehouse ai mori një diplomë nderi gjatë ceremonisë të së dielës.
Smith, pasuria e të cilit vlerësohet rreth 2.5 miliardë dollarë, ishte relativisht i panjohur përpara se të bënte emër si donatori i dytë më i madh privat në Muzeun Kombëtar të Historisë dhe Kulturës Afrikane në Uashington. Dhurata e tij prej 20 milionë dollarësh u tejkalua vetëm nga Oprah Winfrey me 21 milionë dollarë.
Borxhet e studentëve arritën nivelin më të lartë në histori në vitin 2019, rreth 1.5 miliardë dollarë në mesin e 44 milionë huamarrësve në SHBA.
Statistikat e Departamentit të Arsimit treguan se në vitin 2018, 16.538 huamarrës të kredive studentore në Gjeorgji ende nuk i kishin paguar kreditë e tyre studentore.
Shikoni videon e fjalimit të tij:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
